الماتى قالاسى الاتاۋ اۋدانى اكىمىنىڭ ورىنباسارى ەرتىس بەسىروۆ وڭىرلىك كوممۋنيكاسيالار قىزمەتىنىڭ بريفينگىندە اۋدان اۋماعىندا قانداي كاسىپورىنداردىڭ اشىلعانى جانە 2022 جىلى قانداي كاسىپورىنداردىڭ اشىلاتىنى تۋرالى ايتىپ بەردى، دەپ حابارلايدى اlmaty-akshamy.kz الماتى قالاسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
2022 جىلدىڭ 6 ايىندا الاتاۋ اۋدانى بويىنشا مەملەكەتتىك بيۋدجەتكە 35،4 ملرد تەڭگە ءتۇستى، ونىڭ ىشىندە رەسپۋبليكالىق بيۋدجەتكە – 17،4 ملرد تەڭگە، جەرگىلىكتى بيۋدجەتكە – 17،9 ملرد تەڭگە. نەگىزگى كاپيتالعا سالىنعان ينۆەستيسيالار 52،4 ملرد تەڭگەنى قۇرادى. جىل باسىنان بەرى 3 516 جۇمىس ورنى قۇرىلدى.
«يندۋستريالىق ايماق اۋداننىڭ باستى ونەركاسىپتىك الەۋەت بولىپ تابىلادى. بۇگىندە جالپى سوماسى 114،7 ملرد تەڭگەنى قۇرايتىن 2688 جۇمىس ورنىن قۇرۋ ارقىلى 19 جوبا ىسكە اسىرىلدى، 519،1 ملرد تەڭگەگە ءونىم ءوندىرىلدى»، - دەپ حابارلادى ە. بەسىروۆ.
كاسىپورىندار تىزىمىندە «BRB APK»، «Almapack»، «DOC Co.LTD»، «TOKYO ROPE ALMATY»، «KMK Investment»، «KazTigerTape»، «ەنكو»، «ASSET»، «تەحنوۆيد»، «مپز بيجان»، «دورحان-الماتى»، «المەرەك»، «Hyundai Trans Kazakhstan»، «سك راحات» «گ.س.گ. ۆىسوتنيك»، «KMK Investment ۆتوروي ەتاپ» ، «Asia steel pipe corporation»، جانە 3 ءوندىرىستىپ پارك «ADS Industries»، «KazStroyTrade»، «ALAESTATE».
2022 جىلدىڭ سوڭىنا دەيىن 276 جۇمىس ورنىن قۇرۋمەن جالپى سوماسى 10،1 ملرد تەڭگەگە تاعى 6 جوبانى ىسكە اسىرۋ جوسپارلانۋدا: «كاز-ديا-تەست»، «City Stone»، «ەلەكتروبار»، «Valtherm»، «Story Production»، «TEPLOSTIL».
تاعى دا ءبىر باستى پەرسپەكتيۆالىق جوبالاردىڭ ءبىرى - ونەركاسىپتىك پاركتەردى دامىتۋ بولىپ تابىلادى. بيىلعى جىلى 370-تەن استام جۇمىس ورنىن قۇرۋمەن، 15 480 ش.م. قۇرايتىن وندىرىستىك ءۇي-جايلاردى پايدالانۋعا بەرۋمەن 3 ونەركاسىپتىك پاركتەردى (ALAESTATE-2، «Qazaq Plast» ج ش س، «Alatau Industrial Park»، سونداي-اق ADS Industriesء-تىڭ 2ء-شى كەزەڭى) ىسكە قوسۋ جوسپارلانۋدا.