الماتى قالاسى الاتاۋ اۋدانى اكىمىنىڭ ورىنباسارى ەرتىس بەسىروۆ وڭىرلىك كوممۋنيكاسيالار قىزمەتىندە وتكەن بريفينگتە قانداي مەكتەپتەر سالىنىپ، قايسىسىنا جوندەۋ جۇمىستارى جۇرگىزىلەتىنى تۋرالى ايتتى، دەپ حابارلايدى اlmaty-akshamy.kz الماتى قالاسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
ە. بەسىروۆتىڭ حابارلاۋىنشا، اۋداندا 28 مەملەكەتتىك جانە 3 جەكەمەنشىك مەكتەپ جۇمىس ىستەيدى، بارلىعى 48 771 وقۋشى ءبىلىم الۋدا.
«2022-2023 وقۋ جىلىنا 1 سىنىپقا 5935 وقۋشى تىركەلدى، ونىڭ ىشىندە قازاق سىنىبىنا 4 793 وقۋشى، ورىس سىنىبىنا 1142 وقۋشى قابىلداندى. جەكە مەكتەپتەردە 709 بالا ءبىلىم الۋدا، 140 بالا 1-سىنىپقا قابىلداندى»، - دەپ ايتتى ە. بەسىروۆ.
قازىردە جاڭادان پايدالانۋعا بەرىلگەن №204 جانە №205 مەكتەپتەرىنىڭ قۇقىقتىق قۇجاتتارى دايىندالىپ جاتقاندىعى بەلگىلى بولدى.
بۇگىندە بارلىق ءبىلىم بەرۋ مەكەمەلەرىندە جىلۋ بەرۋ ماۋسىمىنا دايىندىق جانە اعىمداعى جوندەۋ جۇمىستارى 100 پايىزعا ورىندالدى. سونداي-اق، № 166 ليسەيدە كۇردەلى جوندەۋ جۇمىستارى اياقتالدى.
«اۋداندا «دارحان»، «نۇركەنت»، «مادەنيەت» شاعىناۋداندارىندا 1500 ورىندىق 3 مەكتەپ سالىنۋدا. اياقتاۋ مەرزىمى 2022 جىلدىڭ قاراشا ايىندا جوسپارلانىپ وتىر. سالىنىپ جاتقان 3 مەكتەپتەن باسقا، «سايالى- 2» جانە «زەردەلى» شاعىناۋداندارىندا 550 ورىندىق 2 مەكتەپ سالۋدى جوسپارلاپ وتىرمىز»، - دەپ حابارلادى ە. بەسىروۆ.
اۋدانىمىزدا 20 مەملەكەتتىك جانە 161 جەكەمەنشىك بالاباقشا جۇمىس ىستەيدى.
«سايالى-2» شاعىناۋدانىندا 160 ورىندىق بالاباقشا سالىنىپ جاتىر.
ە. بەسىروۆ ءوز سوزىندە «قاراسۋ» جانە «سايالا» شاعىناۋداندارىندا زاماناۋي دارىگەرلىك امبۋلاتوريالار سالۋ جوسپارلانىپ وتىرعانىن ايتتى. 600 ملن تەڭگە كولەمىندە قاراجات ءبولىندى. قازىرگى ۋاقىتتا بۇل نىساندار بويىنشا دا مەملەكەتتىك ساتىپ الۋ ءراسىمى جۇرگىزىلۋدە. قۇرىلىس اعىمداعى جىلدىڭ 4-توقسانىندا باستالىپ، 2023 جىلى اياقتالادى.
سونىمەن قاتار، «نۇركەنت» شاعىناۋدانىندا ق ر دەنساۋلىق ساقتاۋ مينيسترلىگىنىڭ جۇقپالى اۋرۋلار ۇلتتىق عىلىمي ورتالىعىنىڭ عيماراتى سالىنۋدا.