ەندى ولار ەلگە بەلگىلى تۇلعالاردىڭ بەت-بەينەسىن جاساپ، حالىقتى الداۋعا كوشتى، دەپ حابارلايدى aqshamnews.kz
الەۋمەتتىك جەلىدە وسى سارىنداعى بەينەروليكتەر كەڭ تارالۋدا. الاياقتار تانىمال مەديا تۇلعالار مەن ءىرى كومپانيا باسشىلارىنىڭ اتىنان جالعان اقپارات تاراتۋ ارقىلى حالىقتى قۇرىعىنا تۇسىرۋگە تىرىسىپ جاتىر.
شىنايى بەينەدەن اينىمايتىن مۇنداي حابارلامار ارقىلى الاياقتار جۇرتتىڭ قالتاسىن قاعۋدى كوزدەيدى.
جۋىردا ءدال وسىنداي جولمەن ۇلتتىق اتوم كومپانياسىنا قاتىستى اقپارات تارادى. بەينەروليكتە ينۆەستيسيالىق پلاتفورمانى ىسكە قوسۋ ارقىلى مول پايداعا كەنەلۋگە بولاتىنى ايتىلعان. الايدا كومپانيا باسشىلىعى بۇل شىندىققا جاناسپايتىنىن حابارلاپ، ازاماتتاردى مەيلىنشە ساق بولۋعا شاقىردى.
"قارجىلىق جاعدايدى جاقسارتۋعا مۇمكىندىك بەرەتىن پلاتفورمالار تۋرالى بەينەحابارلامار تاراتۋدا."قازاتومونەركاسىپ" باسشىسى رەتىندە بۇل جاڭالىقتاردىڭ شىندىققا سايكەس كەلمەيتىنىن رەسمي تۇردە مالىمدەيمىن"، - دەيدى "قازاتومونەركاسىپ" ۇاك" اق باسقارما ءتوراعاسى مەيىرجان يۋسۋپوۆ.