سابيلەردى اسىراپ العاندار مەن مەديسينا قىزمەتكەرى، بالالاردىڭ اناسى، بارلىعى 6 ادامعا قاتىستى ۇكىم شىقتى، دەپ حابارلايدى aqshamnews.kz
قاراعاندىدا ەكى بالاسىن 6 ملن تەڭگەگە ساتتى دەپ 8 جىلعا سوتتالعان كوپبالالى انا بۇل ارەكەتكە قارجىلىق قيىندىقتان بارعانىن ايتتى. ول 2022 جانە 2023 جىلدارى دۇنيەگە اكەلگەن بالالارىن تۋا سالىسىمەن ەكى وتباسىنا تانىس مەدبيكە ارقىلى بەرگەن.
ايەل قىلمىستىق كودەكستىڭ 135-بابى 2-بولىگى 1 جانە 2-تارماقتارىمەن كىنالى دەپ تانىلدى. بۇگىن سابيلەردى اسىراپ العان وتباسىلار مەن مەديسينا قىزمەتكەرى، بالالاردىڭ اناسى ياعني بارلىعى 6 ادامعا قاتىستى ۇكىم شىقتى.
ايەل مەدبيكەمەن بىرگە سابيلەرى ءۇشىن 6 ميلليون تەڭگە العان. قۇجاتتا اسىراپ الۋشىلاردىڭ كۇيەۋلەرىن بالاسىنىڭ اكەسى ەتىپ كورسەتكەن. وسى ايعاقتار ەسكەرىلىپ مەدبيكە 5 جىلعا باس بوستاندىعىنان ايىرىلدى. ال سابيلەردى اسىراپ العان 4 اتا- انا 8 جىلعا شارتتى جازا الدى. ولار سوتتا 15 جىل بويى بالاعا زار ەكەندەرىن جانە بالالاردى قاتتى جاقسى كورەتىندەرىن ايتتى.
"ايىپتالۋشى قىلمىستىق كودەكستىڭ 135-بابى 2-بولىگى 1 جانە 2-تارماقتارىمەن كىنالى دەپ تانىلىپ، 8 جىلعا باس بوستاندىعىنان ايىرىلدى. جازاسىن ورتاشا قاۋىپسىزدىكتەگى قىلمىستىق اتقارۋ مەكەمەسىندە وتەيدى. مەدبيكە ازاماتشا 5 جىلعا باس بوستاندىعىنان ايىرىلادى. ەكەۋى سوت زالىنان تۇتقىندالسىن"، - دەدى سۋديا دۋلات بورابايەۆ.