اعىمداعى جىلدىڭ قىركۇيەك–جەلتوقسان ايلارى ارالىعىندا الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتى مەن ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى بىرلەسىپ زاڭ فاكۋلتەتىنىڭ ستۋدەنتتەرىنە ارنالعان «ەكونوميكالىق قىلمىستاردى تەرگەۋ» تاقىرىبىندا ميكروبىلىكتىلىك كۋرستارىن ۇيىمداستىردى.
كۋرستاردىڭ باعدارلاماسى تاجىريبەگە باعىتتالعان فورماتتا ءوتتى. اتاپ ايتقاندا، الماتى قالاسى بويىنشا ەكونوميكالىق تەرگەۋ دەپارتامەنتىنىڭ بازاسىندا پراكتيكالىق ساباقتار وتكىزىلىپ، قىلمىستىق ىستەردىڭ ناقتى كەيستەرى تالداندى، تەرگەۋ ارەكەتتەرىنىڭ سيمۋلياتورلارى قولدانىلدى، سونداي-اق ەكونوميكالىق جانە قارجىلىق قۇقىق بۇزۋشىلىقتاردى انىقتاۋ مەن تەرگەۋدىڭ زاماناۋي ادىستەرى وقىتىلدى.
وقۋ قورىتىندىسى بويىنشا كۋرستاردى ءساتتى اياقتاعان ستۋدەنتتەر ميكروبىلىكتىلىك باعدارلاماسىن وتكەنى تۋرالى سەرتيفيكاتتارعا يە بولدى. الىنعان تەوريالىق ءبىلىم مەن پراكتيكالىق داعدىلار تۇلەكتەردىڭ كاسىبي دامۋىنا بەرىك نەگىز بولىپ، الداعى ۋاقىتتا قارجىلىق مونيتورينگ ورگاندارىندا قىزمەت وتكەرۋىنە مۇمكىندىك بەرەدى.
مۇنداي كۋرستاردى ۇيىمداستىرۋ ءبىلىم بەرۋ ۇيىمدارى مەن قۇقىق قورعاۋ ورگاندارى اراسىنداعى ءوزارا ىنتىماقتاستىقتى نىعايتۋعا، سونداي-اق ەكونوميكالىق قاۋىپسىزدىك سالاسىنداعى بولاشاق مامانداردىڭ پراكتيكالىق دايارلىق دەڭگەيىن ارتتىرۋعا ىقپال ەتەدى.