ەلىمىزدىڭ ءبىرقاتار وڭىرىندەگى سۋ تاسقىنىنان تۋىنداعان اۋىر جاعدايدان زارداپ شەككەندەرگە كومەك كورسەتۋ ماقساتىندا Air Astana توبى Samruk Kazyna Trust قورىنا 1 ميلليارد تەڭگە اۋدارادى، دەپ حابارلايدى اlmaty-akshamy.kz.
كومپانيا مالىمەتىنشە، توپ ۇجىمى وڭىرگە جىبەرىلەتىن گۋمانيتارلىق كومەكتى ۇيىمداستىرۋدا.
Air Astana توبى سۋ تاسقىنىنان زارداپ شەككەن مەكەندەرگە گۋمانيتارلىق جۇكتەردى تەگىن تاسىمالداۋدى جالعاستىرۋدا. بۇگىنگى تاڭدا توپ Air Astana جانە FlyArystan ۇشاقتارىمەن الماتىدان ورالعا جانە الماتى مەن استانادان اتىراۋعا 8 مىڭ كگ گۋمانيتارلىق جۇكتى تەگىن تاسىمالداپ، الداعى رەيستەرمەن قوسىمشا 12 مىڭ كگ استام جۇك جەتكىزۋدى جوسپارلاپ وتىر. گۋمانيتارلىق جۇكتى تاسىمالداۋدى ودان ارى جالعاستىرۋعا نيەتتى، - دەلىنگەن مالىمەتتە.
Air Astana 9 ساۋىردە الماتىدان اتىراۋعا جانە كەرى ورىندالاتىن رەيستەردەن باسقا، 10، 11 جانە 12 ءساۋىر كۇندەرى دە الماتىدان اتىراۋعا جانە كەرى باعىتتا قوسىمشا رەيستەرىن جۇزەگە اسىرادى.