الماتى پوليسەيلەرى بانكتەردىڭ ءبىرىنىڭ قىزمەتكەرلەرىن الداعان الاياقتاردى ۇستادى، – دەپ حابارلايدى اlmaty-akshamy.kz.
الماتى پوليسياسى بىرنەشە ايىپتالۋشىدان تۇراتىن جانە شەتەلدە تامىر جايعان زاڭسىز ارەكەتتەر تىزبەگىن انىقتادى. بۇل تىزبەكتىڭ ءمانى ادامداردى الداۋ ارقىلى مۇمكىندىگىنشە كوپ اقشا تابۋ بولدى. الدانعانداردىڭ اراسىندا ەكىنشى دەڭگەيلى بانكتەردىڭ ءبىرىنىڭ قىزمەتكەرى دە بار.
– ونىڭ مەسسەندجەرىنە قۇقىق قورعاۋ ورگاندارىنىڭ وكىلدەرى بانك پەن ونىڭ قىزمەتكەرلەرىنە قاتىستى تەكسەرۋ جۇرگىزىپ جاتقانىن جانە ول ولاردىڭ ناقتى نۇسقاۋلارىن ورىنداۋى كەرەك دەگەن حابارلامالار كەلە باستاعان. كەيىنىرەك ولار كيبەرشابۋىل بولعانىن جانە الاياقتىق ارەكەتتەردىڭ الدىن الۋ ءۇشىن بارلىق قولدانىستاعى شوتتان اقشانى الىپ، سودان كەيىن سەنىمدى ادامدارعا اۋدارۋ قاجەتتىگىن حابارلاعان. وسى نۇسقاۋلاردى ورىنداعان ايەل شوتىنان 4 ميلليون تەڭگە مەن 10 مىڭ دوللاردى شەشىپ العان. ول اقشانى كۋرەرگە بەرىپ جىبەرگەن، – دەدى الماتى قالالىق پوليسيا دەپارتامەنتى باستىعىنىڭ ورىنباسارى قۋاتبەك ناۋاتوۆ.
الاياقتاردىڭ قۇربانىنا اينالعانىن تۇسىنگەن ايەل پوليسيادان كومەك سۇرادى. كۋرەر دەرەۋ ۇستالدى. 19 جاستاعى ءجاسوسپىرىم بۇل ارەكەتتىڭ قىلمىستىق سيپاتىن بىلەتىنىن مويىندادى: جۇمىس بەرۋشىلەر وعان جابىرلەنۋشىلەردەن العان سومانىڭ 1 پايىزى كولەمىندە سىياقى بەرىپ وتىرعان.
– كۋرەر اقشانى اۋدارعان شوتتاردى انىقتادىق. ولاردىڭ ءىزى شەتەلدە تابىلدى. ايتپاقشى، قىلمىستىق جولمەن الىنعان قاراجاتتى اۋدارۋعا قاتىسقان ءۇش ادام ۇستالدى. ءقازىر ولاردىڭ ءارقايسىسىنىڭ كىناسىنىڭ دارەجەسى انىقتالۋدا. كۇدىكتىلەر قاماۋعا الىندى، – دەدى ناۋاتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.
اقپارات كوزى Polisia.kz سايتىندا: https://polisia.kz/almaty-politsejleri-bankterding-birining-qyzmetkerlerin-aldaghan-alayaqtardy-ustady/