7 ساۋىردە جەكپە-جەك شەبەرى، رەجيسسەر، پروديۋسەر دجەكي چان 70 جاسقا تولدى.
اكتەر 8 ساۋىردە ول Instagram پاراقشاسىندا فوتوسۋرەتتەر مەن ۇزاق جازبالار جاريالادى، دەپ حابارلايدى اlmaty-akshamy.kz.
جەلىدەگى جازبا 1 ميلليوننان استام ءلۇپىل جينادى.
“بۇل ساندى ەستىگەن سايىن ءبىر سەكۋند ويلانىپ تاڭعالامىن. شىنىمەن جەتپىس جاستامىن با؟ تاڭدانعاننان كەيىنگى كەلەتىن ەكىنشى وي، ۇلكەن اعام ساممو حۋنگتىڭ “قارتايۋ – باقىت” دەپ ايتقانى. اسىرەسە، ەكشن-فيلمدەر تۇسىرەتىندەر مۇنداي ساتتىلىكتىڭ قانشالىقتى سيرەك بولاتىنىن بىلەدى"، - دەپ ءبولىستى اكتەر.
مەرەيتوي يەسى ەسكى فوتوسۋرەتتەرىمەن دە ءبولىستى.
"بۇل سۋرەتتەرگە قاراعان كەزدە جۇرەگىم كوپتەگەن سەزىمگە بولەنەدى. ءبىر سوزبەن بىلدىرەتىن بولسام، “مەن ءوز جۇمىسىمدى جاقسى كورەمىن"، – دەپ قوستى ول.
ونەر يەسى جىلى لەبىزدەرىن ءبىلدىرىپ، قۇتتىقتاعان بارشاعا العىسىن ءبىلدىردى.