اقتوبەدە ءىز-تۇزسىز جوعالىپ كەتكەن ەرلى-زايىپتىنىڭ ءمايىتى تابىلدى، - دەپ حابارلايدى اqshamnews.kz ءتىلشىسى وبلىستىق پد باسپا ءسوز قىزمەتىنە سىلتەمە جاساپ.
40 جاستاعى امانجول الماعانبەتوۆ پەن ونىڭ جۇبايى گۇلجاحان شەكتىبايەۆا 20 قاراشادا اقتوبە قالاسىنداعى 41-رازەزد اۋماعىنداعى ۇيىنەن شىعىپ، كەيىن حابار-وشارسىز كەتكەن. ولاردى ىزدەستىرۋ جۇمىستارى جۇرگىزىلگەن ەدى.
بۇگىن ەرلى-زايىپتىنىڭ ەكەۋىنىڭ دە دەنەسى قالا شەتىنەن تابىلعانى حابارلاندى. وبلىستىق پوليسيا دەپارتامەنتىنىڭ مالىمەتىنشە، 1986 جىلى تۋعان ايەلدىڭ دەنەسىنەن زورلىق بەلگىلەرى انىقتالىپ، وسىعان بايلانىستى قىلمىستىق ءىس قوزعالعان. كەيىنگى جەدەل شارالار بارىسىندا ەر ادامنىڭ دا دەنەسى اسىلىپ تۇرعان كۇيىندە تابىلعان.
ءقازىر وقيعا ورنىندا جەدەل-تەرگەۋ توبى جۇمىس ىستەپ جاتىر. اۋماق تەكسەرىلىپ، زاتتاي دالەلدەر جينالىپ جاتىر، ءتيىستى سوت-مەديسينالىق ساراپتامالار تاعايىندالعان. تەرگەۋ وقيعانىڭ ناقتى ءمان-جايىن انىقتاۋعا باعىتتالعان.
ەگەر سىزگە نەمەسە جاقىنىڭىزعا پسيحولوگيالىق كومەك قاجەت بولسا، جەرگىلىكتى سەنىم قىزمەتتەرىنە نەمەسە 112 نومىرىنە حابارلاسىڭىز!