كونفەرەنسيا الماتى قالاسى ىشكى ساياسات باسقارماسىنىڭ تاپسىرىسىمەن، ۇكىمەتتىك ەمەس ۇيىمداردىڭ الەۋمەتتىك جوبالاردى ىسكە اسىرۋ بويىنشا مەملەكەتتىك الەۋمەتتىك تاپسىرىس اياسىندا جۇزەگە اسىرىلعان «مەدياسيا ينستيتۋتىن دارىپتەۋ جانە داۋلاردى شەشۋ بويىنشا ءىس-شارالار كەشەنى» جوباسىنىڭ قورىتىندى كەزەڭى رەتىندە ءوتتى.
جوبانىڭ ماقساتى – قوعامداعى قۇقىقتىق مادەنيەتتى ارتتىرۋ، مەدياسيا ينستيتۋتىن دامىتۋ، داۋلاردى بەيبىت جولمەن شەشۋدىڭ بالامالى تاسىلدەرىن ناسيحاتتاۋ جانە ازاماتتار اراسىندا كەلىسىمگە كەلۋ مادەنيەتىن قالىپتاستىرۋ ەدى. ءىس-شاراعا قالا پروكۋراتۋراسى مەن پوليسيا وكىلدەرى، مەدياتورلار، مەملەكەتتىك ورگاندار قىزمەتكەرلەرى، كاسىپكەرلەر، جاستار ۇيىمدارى، ۇەۇ وكىلدەرى جانە قوعام بەلسەندىلەرى قاتىستى.
كونفەرەنسيا بارىسىندا مەدياسيانىڭ قوعامداعى ءرولى، قۇقىقتىق مادەنيەتتى نىعايتۋ تەتىكتەرى جانە ءتۇرلى سالا ماماندارىنىڭ تاجىريبەلەرى تالقىلاندى، سونداي-اق قاتىسۋشىلار اراسىندا پىكىر الماسۋ جانە سۇراق-جاۋاپ الاڭى ۇيىمداستىرىلدى.