قۇرىلىس كومپانياسىنا تەكسەرۋ جۇرگىزىلىپ جاتىر.
الماتىدا تۇرعىن ءۇي كەشەنىن سالۋشى كوپجىلدىق اعاشتاردى كەسكەن، دەپ حابارلايدى Almaty-akshamy.kz
الماتىدا تۇرعىن ءۇي كەشەنىن سالۋ ءۇشىن قۇرىلىس سالۋشى عاسىرلار بويعى اعاشتاردى كەسكەن. ءقازىر ەكولوگتار مەن سىبايلاس جەمقورلىققا قارسى قىزمەت تەكسەرۋ جۇرگىزىپ جاتىر.
"قازاقفيلم" شاعىن اۋدانىندا كوپقاباتتى ءۇيدىڭ قۇرىلىسى باستالدى.
"ولار اعاشتى رۇقساتسىز كەسكەن ەكەن. ءبىز مۇنى بىرنەشە ايدان كەيىن انىقتادىق. ايتەۋىر زاقىمدانعانى ءۇشىن وتەماقى رەتىندە تۇرعىن ءۇي كەشەنىنىڭ اۋماعىنا اعاش ەكتىرۋگە كەلىستىك"، دەيدى تۇرعىن ەلەنا تەسلەنكو.
الايدا "الماتى" تەلەارناسىنىڭ رەپورتاجىندا اعاشتار قۇرىلىس استىنا كەتكەنى ايتىلعان. كۋاگەرلەر جۇمىسشىلاردىڭ سەمەنتتى وقپاندارعا قالاي قۇيىپ جاتقانىن ۆيدەوعا ءتۇسىرىپ العان.
ءوز كەزەگىندە قۇرىلىس كومپانياسىنىڭ وكىلى جاسىل جەلەك جاساۋ نۇسقاسى باستاپقىدا ۇسىنىلعانىن ايتادى.
"وعان تۇرعىن ءۇي كەشەنىنىڭ كوپ تۇرعىنى كۇزدە اۋماقتى قوقىس پەن جاپىراق ءۇيىندىسى باسىپ كەتەدى دەپ، شاعىمدانعان. سوندىقتان ولار بۇعان قارسى"، - دەدى ول.
قۇرىلىس سالۋشىلارعا قارسى شاعىمدار مۇنىمەن بىتپەدى.
"ولار 12 مەتر ەمەس، 22 مەترلىك عيمارات سالۋعا كىرىستى. وزدەرىڭىز بىلەتىندەي، جەل مەن قالانىڭ سانيتارلىق جاعدايىنا بايلانىستى ال-فارابيدەن جوعارىعا قاراي شەكتەۋ بار"، - دەدى ەلەنا تەسلەنكو.
ناتيجەسىندە تۇرعىندار سوتقا جۇگىنگەن. ءبىراق ولار ۇتىلدى. عيماراتتىڭ نورمادان جوعارى قۇرىلىسىن ساراپتاعاندا رۇقسات ەتىلگەن دەپ تانىلدى. ىسكە قاتىسقان ەكولوگتار زاڭ بۇزۋشىلىقتاردى انىقتادى.
"بۇل مەكەنجايعا ءوتىنىش تۇسكەن جوق. تيىسىنشە، رۇقسات بەرىلمەدى. ءبىراق ءارى قاراي شارا قولدانۋ ءۇشىن الماتى قالالىق دەپارتامەنتىنە حات جولدادىق. ءقازىر ەشتەڭە ايتا المايمىز. ءبىراق جاسىل جەلەكتەردىڭ ءبۇلىنۋى بار"، - دەدى ەكولوگيا جانە قورشاعان ورتانى قورعاۋ دەپارتامەنتىنىڭ مامانى نۇرلان سەيىتبەكوۆ.
بۇل زاڭ بۇزۋشىلىقتار ساراپتامامەن راستالسا، قۇرىلىس سالۋشىلار الداعى جارتى جىلدا كوشەت وتىرعىزۋ ءۇشىن وتەماقى تولەۋگە مىندەتتى بولادى.
"ءقازىر ءبىز بۇل ماتەريالدىڭ بارلىعىن قابىلدادىق. ال ءتيىستى ۋاكىلەتتى ورگاندار مۇنىڭ بارلىعىن زاڭدى تۇردە زەرتتەپ، شارا قولدانادى"، - دەدى ق ر سىبايلاس جەمقورلىققا قارسى ءىس-قيمىل اگەنتتىگى قوعامدىق كەڭەسىنىڭ مۇشەسى اينۇر ءسابيتوۆا.