ساۋد ارابياسىنىڭ سولتۇستىك-باتىسىندا تۇيە جارىس ءوتىپ جاتىر.
جۇلدە قورى 21 ميلليون اقش دوللارىنان اسادى، دەپ حابارلايدى Almaty-akshamy.kz 24.kz-كە سىلتەمە جاساپ.
ساراپشىلار بۇل سايىس تاريحىنداعى ەڭ ۇلكەن سوما دەيدى. دوداعا الەمنىڭ تۇكپىر-تۇكپىرىنەن ۇمىتكەرلەر جينالعان. جارىستان باسقا، ءتۇرلى مادەني ءىس-شارالار مەن كورمەلەر دە ۇيىمداستىرىلعان. كەيىنگى جىلدارى ساۋد ارابياسىنىڭ بيلىگى ەكونوميكانى ءارتاراپتاندىرىپ، سان الۋان تۋريستىك ءىس-شارالار وتكىزۋدى ادەتكە اينالدىرعان.
«ءبىزدىڭ ايماقتا مۇنداي ءىرى جارىس بۇرىن-سوڭدى ءوتىپ كورمەگەن. وتە قوماقتى جۇلدەلەر تىگىلىپ وتىر. بۇل بىزگە، ءبىر جاعىنان، قىزىق، ەكىنشى جاعىنان، زور ماقتانىش»، - دەيدى كورەرمەن ەنناد ءال-بالاۋي.
«ءبىز دە وسى جارىسقا ءوز تۇيەمىزدى اكەلدىك. ازىرگە بەسىنشى ورىندا كەلە جاتىر. ءبىرىنشى ورىن الامىز دەگەن ءۇمىتىمىز دە جوق ەمەس. جۇلدە قورىنىڭ جوعارى بولعانى وتە زاڭدى. ويتكەنى بۇل ەلدە تۇيە - ەڭ ماڭىزدى جانۋار»، - دەيدى اقش ازاماتى سۋيز بيتس.