تۇركىستان قالالىق ورتالىق اۋرۋحاناسىنىڭ جۇقپالى اۋرۋلار بولىمىنە قىزىلشاعا كۇدىكپەن 8 ايلىق ءسابي جەتكىزىلدى، - دەپ حابارلايدى aqshamnews.kz Turkystan.kz-كە سىلتەمە جاساپ.
تەكسەرۋ بارىسىندا جۇرگىزىلگەن رەنتگەنولوگيالىق زەرتتەۋ ناتيجەسىندە بالانىڭ ءىش قۋىسىنان ينە انىقتالدى.
ءسابيدىڭ مازاسىزدانۋى مەن دەنە قىزۋىنىڭ كوتەرىلۋى جۇقپالى اۋرۋمەن ەمەس، ءدال وسى بوگدە زاتتىڭ اسەرىنەن بولعانى بەلگىلى بولدى.
دارىگەرلەردىڭ ايتۋىنشا، ينەنىڭ بالانىڭ اسقورىتۋ جولى ارقىلى ەمەس، باۋىر تۇسىنان ەنگەنى انىقتالعان. بالانىڭ اناسى ينەنى ءسابي وزدىگىنەن جۇتپاعانىن جەتكىزدى.
تۇركىستان قالالىق ورتالىق اۋرۋحاناسىنىڭ جانە تۇركىستان قالالىق بالالار اۋرۋحاناسىنىڭ دارىگەرلەرى بىرلەسىپ، شۇعىل وتا جاساپ، قاجەتتى ەم-شارالاردى تولىق كولەمدە جۇرگىزدى. ۋاقىتىلى جاسالعان حيرۋرگيالىق وتا مەن تۇراقتى ەمنىڭ ارقاسىندا ءسابي قازىرگى تاڭدا جىلدام قالپىنا كەلۋدە.
تولىق نۇسقاسىنا گيپەرسىلتەمە بەرۋدى ۇمىتپاڭىز: https://turkystan.kz/article/275070-turkistanda-8-ailyq-sabidin-iski-qurylysynan-ine-tabyldy