الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ اقپاراتىنشا، 2025 جىلعى جەلتوقسان ايىندا ك. ەسىمدى ازامات ۇلتتىق كىتاپحانا عيماراتىندا دوڭگەلەك ۇستەل ۇيىمداستىرىپ، ءتيىستى رۇقساتى مەن وكىلەتتىگى بولماعانىنا قاراماستان، مەملەكەتتىك ناگرادالارعا ۇقساس اتاۋلارى مەن سىرتقى بەلگىلەرى بار ماراپاتتاردى تابىستاعان.
- اتالعان ارەكەت ق ر اكىمشىلىك قۇقىق بۇزۋشىلىق تۋرالى كودەكسىنىڭ 674-بابىنىڭ 2-بولىگى بويىنشا سارالاندى. بۇل باپ جەكە تۇلعالارعا – 5 ايلىق ەسەپتىك كورسەتكىش، لاۋازىمدى تۇلعالارعا – 10 ايلىق ەسەپتىك كورسەتكىش مولشەرىندە ايىپپۇل سالۋدى، سونداي-اق زاڭسىز پايدالانىلعان بەلگىلەردى تاركىلەۋدى كوزدەيدى، - دەلىنگەن حابارلامادا.
سوت قاۋلىسىمەن ك. كىنالى دەپ تانىلىپ، وعان 5 ايلىق ەسەپتىك كورسەتكىش (19 660 تەڭگە) مولشەرىندە ايىپپۇل تۇرىندەگى اكىمشىلىك جازا تاعايىندالدى. زاڭسىز پايدالانىلعان بەلگىلەر تاركىلەندى.
سوت قاۋلىسى زاڭدى كۇشىنە ەنگەن جوق.