توتەنشە جاعدايلار مينيسترلىگى ەسىك الدىندا وت جاققاندارعا قاتىستى بىرنەشە ەسكەرتۋلەر جاريالادى. بۇل شەكتەۋلەردىڭ مامىردا كوككە شىعىپ، كاۋاپ پىسىرۋشىلەرگە قاتىسى بار ما؟ اqshamnews.kz ءتىلشىسى رەسمي جاۋاپ الدى.
تجم نە دەيدى؟
ۆەدومستۆو بەرگەن جاۋاپقا سەنسەك، ساياجاي جانە باۋ-باقشا ۋچاسكەلەرىندە وت جاعۋعا، قوقىستاردى جاعۋعا جانە ءورت تۋدىرۋى مۇمكىن ءقاۋىپتى جۇمىستاردى جۇرگىزۋگە تىيىم سالۋ جاڭا ەنگىزىلگەن نورما ەمەس. ءورت قاۋىپسىزدىگى ەرەجەلەرى 2006 جىلدان باستاپ كۇشىنە ەنگەن (08.02.2006 ج. 140-تارماق) جانە سايكەسىنشە وسى تالاپتاردى بۇزعانى ءۇشىن بەلگىلەنەتىن اكىمشىلىك جاۋاپكەرشىلىك تە بۇرىن بەكىتىلگەن.
«قازىرگى ۋاقىتتا بۇل نورما قولدانىستاعى ءورت قاۋىپسىزدىگى قاعيدالارىنىڭ "قۇرعاق، ىستىق جانە جەلدى اۋا رايى تۇراقتى بولعان جاعدايدا قالالاردا، اۋىلدىق ەلدى مەكەندەردە جانە كاسىپورىنداردا، ساياجايلىق اۋىلداردا، باۋ-باقشا ۋچاسكەلەرىندە وت جاعۋعا، كومىر، قوقىس، قالدىقتار، قۇرعاق ءشوپتى جاعۋعا، ءورت ءقاۋىپتى جۇمىستاردى جۇرگىزۋگە، سونداي اق ستاسيونارلىق ەمەس سۇيىق، قاتتى جانە گاز ءتارىزدى وتىنمەن جۇمىس ىستەيتىن پەشتەردى، ءاس-ۇي وشاقتارىن جانە قازاندىق قوندىرعىلارىن جاعۋعا جول بەرىلمەيدى" 174-تارماعىندا جازىلعان» دەلىنگەن جاۋاپتا.
كاۋاپ پەن وت جاعۋعا قاتىستى قانداي تىيىم بار؟
• قولايلى اۋا-رايى جاعدايىندا عيماراتتار مەن قۇرىلىستاردان كەمىندە 50 م قاشىقتىقتا، وسى ماقساتتار ءۇشىن ارنايى بولىنگەن ورىنداردا جانە تۇراقتى باقىلاۋدا وت جاعۋعا جانە قالدىقتاردى جاعۋعا رۇقسات ەتىلەدى.
• ال مانگالدى (باربەكيۋدى، گريلدى) عيماراتتار مەن قۇرىلىستاردان كەمىندە 10 م قاشىقتىقتا پايدالانۋعا جول بەرىلەدى، سونداي-اق ورنىن ءبىر ءورت سوندىرگىشپەن نەمەسە كەمىندە 10 ليتر سۋى بار سىيىمدىلىقپەن جابدىقتاۋ قاجەت.
• مانگالدى (باربەكيۋدى، گريلدى) قۇرعاق وسىمدىكتەرى بار ورىنداردا، اعاشتاردىڭ تۇبىندە، جانعىش ماتەريالداردان جاسالعان جابىنداردىڭ استىندا ورناتۋعا تىيىم سالىنادى.
قانشا ايىپپۇل كوزدەلگەن؟
باپقا سايكەس، ءورت قاۋىپسىزدىگى تالاپتارىن بۇزعانى ءۇشىن:
• 5 اەك-تەن (19 660 تەڭگە) – جەكە تۇلعالارعا؛
• 15 اەك-تەن (58 980 تەڭگە) – لاۋازىمدى تۇلعالارعا، شاعىن كاسىپكەرلىك سۋبەكتىلەرىنە نەمەسە كوممەرسيالىق ەمەس ۇيىمدارعا؛
• 25 اەك-تەن (98 300 تەڭگە) – ورتا بيزنەس ءۇشىن؛
• 50 اەك-تەن (196 600 تەڭگە) – ءىرى كاسىپكەرلىك سۋبەكتىلەرى ءۇشىن ايىپپۇل سالىنادى.