تelegram ارنالارىنىڭ بىرىندە 5G تەحنولوگياسى ىسىكتەر، نيەۆرولوگيالىق پروبلەمالار تۋدىرادى، يممۋندىق جانە رەپرودۋكتيۆتى جۇيەگە زيان كەلتىرەدى دەگەن ۆيدەو تارادى.
حابارلاماعا سايكەس، «ۇيالى بايلانىس باعانالارى ايماعىندا قاتەرلى ىسىك اۋرۋى قالىپتى دەڭگەيدەن شامامەن 3-4 ەسە جوعارى» دەلىنگەن، دەپ حابارلايدى Almaty-akshamy.kz Stopfake.kz
ۆيدەو كاليفورنيا مي ىسىكتەرى قاۋىمداستىعى وكىلىنىڭ اتىنان شىققان. بۇل 2009 جىلى قۇرىلعان جەكە مەنشىك ۇيىم. قاۋىمداستىق مۇشەلەرى ۇيالى تەلەفوندار قاتەرلى ىسىك اۋرۋىن تۋدىرادى دەپ مالىمدەگەن. الايدا، مۇنى جوققا شىعاراتىن زەرتتەۋلەر كوپ.
2022 جىلى Journal of the National Cancer ينستيتۋتىندا ۇلىبريتانيانىڭ ميلليون تۇرعىنى قاتىسقان ەكسپەريمەنتتىڭ ناتيجەلەرى جاريالاندى.
عالىمدار راديوجيىلىك ساۋلەلەنۋىنىڭ اسەرىن زەرتتەدى. قورىتىندىسى انىق: ۇيالى تەلەفوندى پايدالانۋ مەن مي ىسىگىنىڭ اراسىندا بايلانىس جوق.
5G جەلىسى پايدا بولعاننان كەيىن كاليفورنيالىق قاۋىمداستىق وعان دا بەلسەندى قارسىلىق تانىتا باستادى. ودان باسقاسى دا بار. 2019 جىلدان بەرى 5G تۋرالى قاستاندىق تەورياسى پايدا بولدى. ونى جاقتاۋشىلار تەحنولوگيا ادامداردى ءولتىرۋ ءۇشىن ادەيى جاسالعان دەپ مالىمدەدى.
5G – كەڭ جولاقتى ۇيالى جەلىلەر ءۇشىن قولدانىلاتىن ەڭ جاڭا تەحنولوگيالىق ستاندارت. ۇيالى بايلانىستىڭ بەسىنشى بۋىنى جوق جەردەن پايدا بولعان جوق، ول 3G مەن 4G الماستىرادى. 5G ەرەكشەلىگى – جوعارى جۇكتەۋ جىلدامدىعى، دەرەكتەردى جىبەرۋگە از ۋاقىت جۇمسالادى جانە الەم بويىنشا پايدالانۋشىلاردى بارىنشا كوپ قوسۋ مۇمكىندىگى. تولقىندار مەن جيىلىكتەر دە بۇرىنعى، Massive MIMO جانە Beam Forming تەحنولوگيالارى قولدانىلادى.
اۆستراليانىڭ ونكولوگيالىق كەڭەسىنىڭ پورتالىندا 5G تەحنولوگياسى ۇيالى تەلەفوندار مەن بازالىق ستانسيالار اراسىنداعى بايلانىس ءۇشىن قولدانىلاتىندىعى جازىلعان. بۇل – راديوجيىلىك ەلەكتروماگنيتتىك ەنەرگيا. ول دنق-عا زاقىم كەلتىرمەيتىن يونداۋشى ەمەس ساۋلەلەنۋدىڭ ءبىر ءتۇرى.
جاڭا بۋىنداعى جەلىلەر ادام دەنساۋلىعىنا كەرى اسەر ەتەتىنىنە ەشقانداي دالەل جوق، دەلىنگەن ددۇ سايتىندا.
ەۋروپارلامەنت كوميسسياسى 2021 جىلى 5G تەحنولوگياسى ادامدار ءۇشىن ءقاۋىپسىز دەپ مالىمدەدى.
2023 جىلدىڭ ناۋرىز ايىندا 5G قازاقستاندا ەنگىزىلە باستادى. العاشقى بازالىق ستانسيالار الماتى مەن شىمكەنتتە ورناتىلدى.
5G پايدالانىلعان كەزەڭدە عالىمدار زەرتتەۋ جۇرگىزۋدى توقتاتقان جوق. بۇگىنگى تاڭدا بەدەلدى دەرەككوزدەردەردىڭ ەشقايسىسىندا جاڭا تەحنولوگيا دەنساۋلىققا ءقاۋىپتى دەپ حابارلانعان جوق. دەمەك، Telegram ارناسىنداعى جاريالانىم – فەيك.
تەحنولوگيالىق پروگرەستى كوبىنەسە قاراپايىم ادامدار عانا ەمەس، عالىمدار دا جاقتىرمايدى. ماسەلەن، XIX عاسىردا تەمىرجول جەلىسىنىڭ دامۋى. 1837 جىلى باۆاريا كورولدىك مەديسينالىق كەڭەسى «تەمىرجول قۇرىلىسى حالىقتىڭ دەنساۋلىعىنا زيان تيگىزەدى» دەپ ساناعان. سول كەزدەگى عالىمداردىڭ پىكىرىنشە، جىلدام قوزعالىستان جولاۋشىلاردا مي اۋرۋىنا اكەپ سوعادى.