استاناداعى اۋماقتىق قورعانىس بريگاداسى بولىمشەسىنىڭ كومانديرى 3-سىنىپتى سەرجانت راۋان ءابىلحانوۆ استانا – كوكشەتاۋ – استانا باعىتى بويىنشا ارا قاشىقتىعى 600 شاقىرىم بولاتىن بىرەگەي سپورتتىق سىناققا – سۋپەرمارافونعا دايىندالۋدا.
بۇل باستاماسىن ول ۇلتتىق مەرەكە — رەسپۋبليكا كۇنىنە ارناپ، جۇگىرۋدى 25 قىركۇيەكتە باستاۋدى جوسپارلاپ وتىر. اسكەري قىزمەتشى وسى ماقساتى ارقىلى قازاقستاندىق ۋلترامارافونداردىڭ بارلىق الدىڭعى رەكوردتارىن جاڭارتپاق، - دەپ حابارلايدى Aqshamnews.kz.
راۋان ءابىلحانوۆتىڭ باستاماسى قازاقستان رەسپۋبليكاسى قارۋلى كۇشتەرى مەن استانا قالاسى اكىمدىگىنىڭ اسكەري قىزمەتشىلەرى تاراپىنان قولداۋ تاپتى.
سەرجانت ءابىلحانوۆتىڭ جۇگىرۋدە رەكورد جاساۋدان تاجىريبەسى بار. 2022 جىلى ول الماتى وبلىسىنداعى «ءالي» وقۋ-جاتتىعۋ ورتالىعىنان شەلەك اۋىلى باعىتى بويىنشا 48 ساعات ىشىندە 350 شاقىرىمدى جۇرگىرىپ ءوتىپ، قازاقستاننىڭ رەكوردتار كىتابىنا ەندى.
42 جاستاعى سپورتشى 15 جىلدان استام جەڭىل اتلەتيكامەن اينالىسادى. الماتىدا جانە اسكەري قىزمەتشىلەر اراسىندا مارافونداردىڭ بىرنەشە دۇركىن جەڭىمپازى. الداعى مارافوننان وزگە ونىڭ جوسپارىندا 10 كۇندە 1000 شاقىرىم جۇگىرۋ – جاڭا جوباسى دا بار.