كەلەسى جىلدان باستاپ اۋداندىق جانە اۋىلدىق دەڭگەيدەگى ارحيۆ قىزمەتكەرلەرىنىڭ ەڭبەكاقىسى 25%-عا كوبەيەدى.
ءماجىلىس دەپۋتاتتارىنىڭ ايتۋىنشا، «ۇلتتىق» مارتەبەسى بار ارحيۆ قىزمەتكەرلەرى ءۇشىن ەڭ تومەنگى جالاقى مولشەرى شامامەن 300 مىڭ تەڭگە بولادى، - دەپ حابارلايدى Aqshamnews.kz
بۇل وزگەرىس ول جەردەگى قىزمەتكەرلەردىڭ ايلىعىنا وڭ اسەر ەتىپ، 1،75 كوەففيسيەنتپەن جوعارى جالاقى الۋعا جول اشادى.
"25%-عا وسەتىندەر اۋداندىق ارحيۆتەردە ىستەيتىن 1012 ادام الادى. ولار بۇعان دەيىن 150-260 مىڭ تەڭگە ارالىعىندا الىپ كەلگەن"، - دەيدى مادەنيەت جانە اقپارات مينيسترلىگىنىڭ ارحيۆ، قۇجاتتاما جانە كىتاپ ءىسى كوميتەتىنىڭ باسقارما باسشىسى يبرايم بابايەۆ.
سونىمەن قاتار الماتى مەن استاناداعى مەملەكەتتىك ارحيۆتەرگە «ۇلتتىق» مارتەبە بەرىلمەك.
ەكى ارحيۆكە ۇلتتىق ستاتۋس بەرىلەدى. ءبىرى - استاناداعى ۇلتتىق ارحيۆ. ونىڭ اتى بار، ستاتۋسى جوق، ەكىنشىسى الماتىداعى ورتالىق ارحيۆ. ەكى ارحيۆتە ىستەيتىن قىزمەتكەرلەردىڭ ەڭ تومەنگى جالاقىسى 300 مىڭ تەڭگە بولادى، - دەدى دەپۋتات ەلنۇر بەيسەنبايەۆ.