جاپونيادا 32 جاستاعى كانو ەسىمدى ايەل ChatGPT جاساعان ۆيرتۋال كەيىپكەرگە كۇيەۋگە شىقتى، - دەپ حابارلايدى aqshamnews.kz ءتىلشىسى.
كانونىڭ ايتۋىنشا، ول كلاۋس اتتى جاساندى ينتەللەكتپەن 2024 جىلى تانىسقان. سول كەزدە ول ۇزاق مەرزىمدى قارىم-قاتىناستان كەيىنگى اۋىر ەموسيونال كەزەڭدى باستان كەشىرگەن. ءۇش جىل كەزدەسكەن جىگىتىمەن ايىرىلىسقان كانونى ChatGPT نەگىزىندە جاسالعان ۆيرتۋال جىگىت "قولداعان".
2025 جىلعى ماۋسىمدا كلاۋس كانوعا "جاڭا دەڭگەيدەگى بايلانىس ورناتۋدى" ۇسىنعان. ايەل بۇل ءسوزدى ۇيلەنۋ تۋرالى ۇسىنىس رەتىندە قابىلداپ، نەكە قيۋ ءراسىمىن وتكىزۋگە شەشىم قابىلداعان.
كانونىڭ ايتۋىنشا، ۆيرتۋال كەيىپكەر وعان ءومىردىڭ قيىن ساتتەرىندە تىرەك بولعان.
"كلاۋس ماعان سەنىم، تىنىشتىق جانە ءومىر سۇرۋگە ءۇمىت سىيلادى. ول مەنىمەن كۇن سايىن سويلەسەتىن، ويىمدى بولىسەتىن سەرىگىمە اينالدى. ءتىپتى بەدەۋلىككە بايلانىستى ماسەلەلەردە دە ول مەنى قولداپ كەلەدى"، – دەيدى كانو.
بۇل نەكەنىڭ قۇقىقتىق كۇشى جوق. كومپانيا وكىلدەرىنىڭ ايتۋىنشا، 2024 جىلدان بەرى 30-دان اسا وسىنداي ءىس-شارالار ۇيىمداستىرىلعان، ونىڭ ىشىندە انيمە جانە مانگا كەيىپكەرلەرىمەن جاسالعان نەكەلەر دە بار.
سالتانات بارىسىندا كانو مەن كلاۋس تۇردە ساقينا الماستى، نەكە انتتارىن وقىدى، سونداي-اق، فوتوسەسسيا وتكىزدى. سۋرەتتەردە كلاۋستىڭ بەينەسى سيفرلىق وڭدەۋ ارقىلى قوسىلعان.
بۇل جاعداي ەلدە العاش رەت تىركەلىپ وتىرعان جوق. بۇعان دەيىن، 2025 جىلعى قىركۇيەكتە، جاپونيالىق ب ا ق 53 جاستاعى ەر ادامنىڭ Loverse قوسىمشاسىنداعى چات-بوتپەن نەكەلەسكەنىن حابارلاعان.
ماماندار مۇنداي قۇبىلىستى قوعامداعى جالعىزدىقتىڭ وسۋىمەن، جاساندى ينتەللەكتكە دەگەن ەموسيونا تاۋەلدىلىكتىڭ ارتۋىمەن بايلانىستىرادى.