نيۋ-يوركتىڭ جاڭا مەرى - 34 جاستاعى زوحران مامداني. ول تۋرالى نە بەلگىلى جانە ول جەڭىسكە قالاي جەتتى؟ تولىعىراق اqshamnews.kz ماتەريالىندا.
ول - مۇسىلمان، ۋگاندادا تۋعان، سوسياليست، پالەستينانىڭ تاۋەلسىزدىگىن قولدايدى. بولاشاق مەر قىزمەتىنە 2026 جىلعى 1 قاڭتاردا كىرىسەدى.
مامداني جازدا-اق دەموكراتيالىق پارتيانىڭ پرايمەريزىندە جەڭىپ، نيۋ-يورك شتاتىنىڭ بۇرىنعى گۋبەرناتورى، تاجىريبەلى ساياساتكەر ەندريۋ كۋومونى ارتتا قالدىرىپ، ناۋقاننىڭ فاۆوريتىنە اينالدى.
بيىلدىڭ باسىندا مامداني تەك 1 پايىز تانىمال ەدى. ءتىپتى ءوز شتابى ونىڭ جەڭۋ مۇمكىندىگىن 3% دەپ باعالاعان.
ونىڭ ايىرماشىلىعى قانداي؟
New York Times مالىمەتىنشە، ول - كەيىنگى ءجۇز جىلدان اسا ۋاقىت ىشىندەگى ەڭ جاس، قالانىڭ تاريحىنداعى العاشقى وڭتۇستىك ازيالىق، العاشقى مۇسىلمان مەر.
رەسپۋبليكاشىلدار ءمامدانيدى "كوممۋنيست" ءارى "جيھاديست" دەپ اتادى. اقش پرەزيدەنتى دونالد ترامپ، ميللياردەر يلون ماسك جانە باسقا دا جوعارى لاۋازىمدى رەسپۋبليكاشىلدار ونى قولداماۋعا شاقىردى.
"دوستار، ءبىز ساياسي اۋلەتتى تاقتان تۇسىردىك. ءبىز كوپشىلىكتەن تەرىس اينالىپ، تاڭداۋلىلاردىڭ دەگەنىنە عانا باس يگەن ساياساتتىڭ بەتىن جابامىز"، - دەدى مامداني جەڭىس سوزىندە.
دەموكراتتار ءۇشىن "راديكال"
شىلدەدە دەمپارتيا اتىنان رەسمي تۇردە ۇسىنىلعان سوڭ، ءبىر توپ بيزنەسمەن مەن ساياساتكەر نيۋ-يورك مەرى ەريك ادامسپەن كەزدەسىپ، ءمامدانيدىڭ مەگاپوليس باسشىسى بولۋىنا جول بەرمەۋدى تالقىلاعان.
Axios مالىمەتىنشە، ءمامدانيدىڭ سوسياليستىك ۇستانىمى مەن پالەستينانىڭ تاۋەلسىزدىگىن اشىق قولداۋى دەموكراتياتاردى شوشىتتى.
© AP Photo / Heather Khalifa
مەر قانداي ۋادە بەردى؟
- ول سۋبسيديالاناتىن تۇرعىن ءۇيدىڭ جالداۋ اقىسىن وسىرمەۋدى،
- بالاباقشا باعاسىن ءتۇسىرۋدى، اۆتوبۋستاردى تەگىن ەتۋدى،
- ارزان ازىق-تۇلىك دۇكەندەرىنىڭ جەلىسىن قۇرۋدى ۋادە ەتتى.
- جىلىنا 1 ميلليون دوللاردان كوپ تاباتىن ادامدار مەن بيزنەسكە قوسىمشا سالىق سالۋدى ۇسىندى.
وسى ۇسىنىستارى ءۇشىن وپپونەنتتەرى ونى قالانى قۇرتاتىن "كوممۋنيست-راديكال" دەپ اتادى. سونداي-اق، گازاداعى جاعدايدى "گەنوسيد" دەپ اتاعانى ءۇشىن ونى انتيسەميتيزمدە ايىپتادى.
Axios-تىڭ ايتۋىنشا، پرايمەريزدەن كەيىن مامداني ريتوريكاسىن ءسال جۇمسارتتى. بيزنەس وكىلدەرىمەن كەزدەسىپ، بولاشاق قالا بيلىگىمەن "سەرىكتەس بولۋى" مۇمكىن ەكەنىن ايتتى.
2020 جىلعى Black Lives Matter نارازىلىقتارىنان كەيىن پوليسيا قارجىسىن قىسقارتۋدى قولداعان مامداني ءقازىر "قوعامدىق قاۋىپسىزدىك دەپارتامەنتىن" قۇرۋدى ۇسىنىپ، قالالىق پوليسيا باسشىسىن الماستىرماۋعا كەلىسىم بەردى.
دونالد ترامپ نەگە وعان داۋىس بەرمەدى؟
4 قاراشاداعى سايلاۋدا ول 50،5% داۋىس جينادى، ال باستى قارسىلاسى - بۇرىنعى گۋبەرناتور ەندريۋ كۋومو - 41،7% الدى.
سايلاۋعا ساناۋلى كۇن قالعاندا دونالد ترامپ كۋوموعا داۋىس بەرۋگە شاقىردى. اقش پرەزيدەنتى زوحران مامداني مەر بولسا، نيۋ-يورك قارجىسىن قىسقارتامىن دەپ بىرنەشە رەت قوقان-لوقى جاساپ، "سايلاۋشىلاردىڭ تاڭداۋى جوق - كۋوموعا داۋىس بەرۋگە مىندەتتى" دەدى.
مامداني تۋرالى نە بەلگىلى؟
زوحران مامداني 1991 جىلعى 18 قازاندا ۋگاندا استاناسى كامپالادا تۋعان. جەتى جاسىندا وتباسى نيۋ-يورككە قونىس اۋدارعان. ونىڭ اناسى - رەجيسسەر، اكەسى - كولۋمبيا ۋنيۆەرسيتەتىنىڭ انتروپولوگيا پروفەسسورى (ەكەۋى دە ءۇندىستاندا تۋعان).
مامداني برونكستىڭ عىلىمي جوعارى مەكتەبىن بىتىرگەن، سول جەردە مەكتەپتەگى العاشقى كريكەت كومانداسىن قۇردى. 2014 جىلى مەن شتاتىنداعى بوۋدوين كوللەدجىن ءتامامداپ، افريكانيستيكا ماماندىعى بويىنشا باكالاۆر دارەجەسىن الدى. كوللەدجدە وقىپ ءجۇرىپ "پالەستينا ءۇشىن ادىلدىك ستۋدەنتتەرى" ۇيىمىنىڭ بولىمشەسىن قۇرۋشىلاردىڭ ءبىرى بولدى. 2018 جىلى اقش ازاماتتىعىن العان.
ساياساتقا كەلۋىنە قۇقىقتىق كەڭەسشى رەتىندەگى جۇمىسى تۇرتكى بولدى: ول كۆينس تۇرعىندارى اراسىنداعى تۇرمىسى تومەن ازاماتتارعا باسپاناسىنان ايرىلماۋعا كومەكتەستى. سونىمەن قاتار، بولاشاق ساياساتكەر رەپ ورىنداپ، الدىمەن Young Cardamom، كەيىن Mr. Cardamom لاقاپ اتتارىن قولداندى. 2017 جىلى نيۋ-يوركتەگى مۇسىلماننىڭ ءومىرى تۋرالى "Salaam" ترەگىن جازدى.
ۆيدەو كادرى
2020 جىلى مامداني نيۋ-يورك شتاتى اسسامبلەياسىنا سايلاندى. وسى قىزمەتتە ول ءبىر جىل بويى بەس باعىتتا قالالىق اۆتوبۋستاردى تەگىن قىلعان پيلوتتىق جوبانى ىسكە قوستى.
2025 جىلى ول سيريا-امەريكالىق سۋرەتشى راما دۋۆادجيگە ۇيلەندى. جۇپ كۆينستە تۇرادى.
AP Photo/يۋكي يۆامۋرا