حرومتاۋ اكىمى ساعىندىق شابىقبايەۆ اكىمى پارا الدى دەگەن كۇدىكپەن ۇستالدى، - دەپ حابارلايدى aqshamnews.kz ءتىلشىسى.
اقتوبە وبلىستىق سوتىنىڭ باسپا ءسوز قىزمەتىنەن مالىمەتىنشە، حرومتاۋ اكىمى ساعىندىق شابىقبايەۆ الداعى ەكى ايدى تەرگەۋ يزولياتورىندا وتكىزەدى. ول ق ر قىلمىستىق كودەكسىنىڭ "پارا الۋ" بابى بويىنشا كۇدىككە ىلىنگەن.
"سوت ونى ەكى اي مەرزىمگە قاماۋدا ۇستاۋعا سانكسيا بەردى. وزگە مالىمەت جاريا ەتىلمەيدى"، - دەدى اقتوبە وبلىستىق سوتىنىڭ باسپا ءسوز قىزمەتى وكىلى.
ايتا كەتەيىك، 40 جاستاعى ساعىندىق شابىقبايەۆ قالا اكىمى قىزمەتىنە ەكى جىل بۇرىن كەلگەن.
ەڭبەك جولىن 2008 جىلى ايتەكە بي اۋدانىنداعى حالىققا قىزمەت كورسەتۋ ورتالىعىندا باستاپ، كەيىن اكىمدىكتە ءتۇرلى قىزمەت اتقارعان. 2018-2023 جىلدارى حرومتاۋ قالاسى اكىمىنىڭ ورىنباسارى بولىپ جۇمىس ىستەدى.