اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
5،5 مىڭنان اسا تەگىن كەڭەس بەرۋ پۋنكتى
قازاقستاندا مەكتەپكە دەيىنگى ۇيىمدار جانىندا بالاباقشاعا بارمايتىن بالالاردىڭ اتا-انالارىن قولداۋعا باعىتتالعان 5،5 مىڭنان استام تەگىن كەڭەس بەرۋ پۋنكتتەرى جۇمىس ىستەيدى.
مۇندا مەكتەپ جاسىنا دەيىنگى بالالاردى تاربيەلەۋ مەن دامىتۋ بويىنشا كاسىبي كەڭەستەر الۋعا بولادى.
قازاقستاندا 24 ملن توننا استىق جينالماق
قازاقستاندا 10،2 ملن گەكتاردان 15،5 ملن توننا استىق باستىرىلدى. بۇل تۋرالى ۇكىمەت وتىرىسىندا اۋىل شارۋاشىلىعى ءمينيسترى ايداربەك ساپاروۆ مالىمدەدى.
بيىل استىق جيناۋدىڭ بولجامدى كولەمى - شامامەن 24 ملن توننا.
"جالپى، استىق بويىنشا بولجام 24 ملن توننا دەڭگەيىندە باعالاندى. ءقازىر 700 مىڭ توننا مايلى داقىلدار جينالدى. جالپى، بيىل مايلى داقىل تۇقىمىنىڭ شامامەن 4 ملن توننا كولەمىندە رەكورد ءتۇسىمى كۇتىلەدى. سونداي-اق 1،8 ملن توننا كارتوپ، 2،9 ملن توننا كوكونىس، 2،2 ملن توننا باقشا ونىمدەرى جينالدى"، - دەپ اتاپ ءوتتى مينيستر.
شارۋالاردى قولداۋعا 700 ملرد تەڭگەدەن اسا قاراجات جۇمسالدى
ۇكىمەت ەگىس جانە ەگىن جيناۋ جۇمىستارى كەزەڭىندە اۋىل شارۋاشىلىعى تاۋارىن وندىرۋشىلەردى قولداۋ ءۇشىن كەشەندى شارالار قابىلداۋدا. جەڭىلدەتىلگەن قارجىلاندىرۋعا 700 ملرد تەڭگە ءبولىندى، ونىڭ 502 ملرد تەڭگەسى يگەرىلدى. بۇل تۋرالى ۇكىمەت وتىرىسىندا اۋىل شارۋاشىلىعى ءمينيسترى ايداربەك ساپاروۆ باياندادى.
سيىر ەتىنىڭ باعاسى - 3 500 تەڭگە
اۋىل شارۋاشىلىعى ءمينيسترى ايداربەك ساپاروۆتىڭ ايتۋىنشا، ەلىمىزدە وندىرىلەتىن ەتتىڭ كولەمى جەتكىلىكتى. ساۋدا ورىندارىنا جۇرگىزىلگەن ءۇش كۇندىك بىرلەسكەن رەيدتەر بارىسىندا فەرمەرلەردىڭ كوتەرمە ساۋدادا ءوز ونىمدەرى كەلىسىن 3 000-3 500 تەڭگەدەن وتكىزەتىنى انىقتالدى. سونىمەن قاتار، دەلدالداردىڭ قىسقا ۋاقىت ىشىندە ەت باعاسىن ەداۋىر كوتەرىپ جىبەرەتىنى دە بەلگىلى بولدى.
1ءبىر جەردەن 3 200-دەن ساتىپ الىپ، ساۋدا جەلىلەرىنە 3 800 تەڭگەدەن تاپسىراتىن فاكتىلەر كەزدەستى. ءبىر ساعات ىشىندە ءبىر كيلوگرامنان 600 تەڭگە پايدا تابادى. دەلدالدارمەن جۇمىس جۇرگىزۋ كەرەك. ءبىز ساۋدا مينيسترلىگىمەن بىرلەسىپ، بۇل جۇمىستى ودان ءارى جالعاستىرامىز1، - دەپ اتاپ ءوتتى ايداربەك ساپاروۆ.