الماتىداعى بازاردا تۇندە شىققان ءورت دەر كەزىندە ءسوندىرىلدى، - دەپ حابارلايدى Aqshamnews.kz.
الماتىدا كەشە تۇنگى ۋاقىتتا ساۋدا نۇكتەلەرىنىڭ بىرىندە ءورت شىقتى. وقيعا الاتاۋ اۋدانىنداعى "سولتۇستىك اينالىم" ىقشاماۋدانىندا ورنالاسقان ساۋدا بازارىندا بولعان. بۇل تۋرالى ق ر تجم مالىمدەدى.
ۆەدومستۆونىڭ حابارلاۋىنشا، ءورت الدىمەن ءبىر قاباتتى جىلدام تاماقتانۋ ورنىندا باستالىپ، كەيىن جانىنداعى مەتالل كونتەينەرگە تاراعان.
"العاشقى ءورت ءسوندىرۋ بولىمشەلەرى كەلگەن كەزدە جالىن دۇڭگىرشىككە جايىلىپ، كورشى قۇرىلىستارعا تارالۋ ءقاۋپى بولعان. ورتسوندىرۋشىلەردىڭ ۇيلەسىمدى ءارى جەدەل ارەكەتىنىڭ ارقاسىندا وت 50 شارشى مەتر اۋماقتا تولىقتاي ءسوندىرىلدى"، – دەدى تجم وكىلدەرى.
ءورت ءسوندىرۋ كەزىندە ماماندار ەكى گاز باللونىن شىعارىپ، جارىلىستىڭ الدىن العان. ابىروي بولعاندا، زارداپ شەككەندەر جوق.
قازىرگى ۋاقىتتا ءورتتىڭ شىعۋ سەبەبى انىقتالىپ جاتىر.