2025 جىلعى 1 قاڭتارداعى جاعداي بويىنشا قازاقستاندا 85 203 ارداگەر تۇرادى.
ونىڭ ىشىندە ۇلى وتان سوعىسىنىڭ 120 ارداگەرى، جەڭىلدىكتەر بويىنشا ۇوس ارداگەرلەرىنە تەڭەستىرىلگەن 16 983 ارداگەر، 26 506 باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرى، 41 594 ۇوس جىلدارىنداعى تىل ەڭبەككەرى بار، دەپ حابارلايدى aqshamnews.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 2024 جىلى ارداگەرلەردىڭ اتالعان ساناتتارىنا 16،7 ملرد تەڭگە سوماسىندا ارناۋلى مەملەكەتتىك جاردەماقى تولەندى. 2025 جىلى وسى ماقساتتارعا 17 ملرد تەڭگە قاراستىرىلعان.
رەسپۋبليكالىق بيۋدجەتتەن بەرىلەتىن اي سايىنعى ارناۋلى مەملەكەتتىك جاردەماقى ارداگەرلەردىڭ بارلىق ساناتتارىنا، وزگە دە الەۋمەتتىك تولەمدەردى الۋىنا قاراماستان، مىناداي مولشەردە تولەنەدى:
- ۇوس ارداگەرلەرى – 16 اەك (2025 جىلى – 62 912 تەڭگە)؛
- جەڭىلدىكتەرى بويىنشا ۇوس ارداگەرلەرىنە تەڭەستىرىلگەن ارداگەرلەر، ولاردىڭ ىشىندە:
- ۇوس كەزەڭىندە جاراقات الۋى، كونتۋزيا الۋى، مەرتىگۋى نەمەسە اۋرۋ سالدارىنان مۇگەدەكتىگى بار ادامدارعا جەڭىلدىكتەر بويىنشا تەڭەستىرىلگەن ادامدار – 7،55 اەك (2025 جىلى – 27 875 تەڭگە)؛
- جەڭىلدىكتەر بويىنشا ۇوس قاتىسۋشىلارىنا تەڭەستىرىلگەن تۇلعالار – 6،19 اەك (2025 جىلى – 24 339 تەڭگە)؛
- باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى، ونىڭ ىشىندە:
- اۋعانستانداعى ۇرىس قيمىلدارىنا قاتىسۋشىلار – 6،19 اەك (2025 جىلى – 24 339 تەڭگە)؛
- تاجىك-اۋعان ۋچاسكەسىندە تمد شەكاراسىن قورعاۋدى كۇشەيتۋ جونىندەگى مىندەتتەردى ورىنداعان، يراكتاعى حالىقارالىق بىتىمگەرشىلىك وپەراسياعا، تاۋلى قاراباقتاعى ەتنوسارالىق قاقتىعىستى رەتتەۋگە قاتىسقان اسكەري قىزمەتشىلەر – 4،8 اەك (2025 جىلى – 18 874 تەڭگە)؛
- ۇوس جىلدارىنداعى تىل ەڭبەككەرلەرى – 2،13 اەك (2025 جىلى – 8 376 تەڭگە).