سپيكەردىڭ ايتۋىنشا، يپوتەكالىق قارىزداردى ساقتاندىرۋ بويىنشا ستاندارتتالعان شارتتاردى ەنگىزۋ مۇمكىندىگى دە قاراستىرىلۋدا. بۇل قارىز الۋشىلار ءۇشىن ساقتاندىرۋ قىزمەتتەرىن ۇسىنۋعا ءبىرىڭعاي تالاپتار مەن تاسىلدەر ازىرلەۋگە مۇمكىندىك بەرەدى. يننوۆاسيا اشىقتىقتى قامتاماسىز ەتەدى جانە ساقتاندىرۋ پروسەسىن جەڭىلدەتەدى.
«سونىمەن قاتار اگەنتتىك ەرىكتى ساقتاندىرۋ شارتتارىنا قويىلاتىن بازالىق تالاپتاردى بەلگىلەۋ بويىنشا زاڭنامالىق تۇزەتۋلەر دايىندادى. بۇل كومپانيالاردىڭ كليەنت ءۇشىن ءتيىمسىز ساقتاندىرۋ شارتتارىنا قوسىمشا ساقتاندىرۋ قىزمەتتەرىن جۇكتەمەۋى ءۇشىن جاسالادى. ءبىز بۇل شارالار ازاماتتاردىڭ ەرىكتى ساقتاندىرۋعا دەگەن سەنىمىن نىعايتۋعا جانە ونى ودان دا قولجەتىمدى ءارى تۇسىنىكتى ەتۋگە كومەكتەسەدى دەپ كۇتەمىز»، – دەدى ماريا حادجييەۆا.
سپيكەر مىندەتتى ساقتاندىرۋعا توقتالىپ، ول تابىسى ءارتۇرلى ازاماتتار ءۇشىن قولجەتىمدى بولا وتىرىپ، كوپ تاۋەكەلدەن قورعاۋدى ۇسىنۋى كەرەك. ول ءۇشىن اگەنتتىك ساقتاندىرۋ نارىعىنا قاتىسۋشىلارمەن بىرلەسىپ ساقتاندىرۋدىڭ قولدانىستاعى مىندەتتى ساناتتارى بويىنشا جاعدايدى جاقسارتۋعا جانە جاڭا ساقتاندىرۋ ونىمدەرىن ەنگىزۋگە باعىتتالعان شارالاردى ازىرلەيدى.
«2024 جىلعى 1 قاڭتاردان باستاپ جۇمىسكەرلەردى وندىرىستەگى جازاتايىم وقيعالاردان مىندەتتى ساقتاندىرۋ جۇيەسىندە زياندى ەڭبەك جاعدايلارىندا جۇمىس ىستەيتىن قىزمەتكەرلەر ءۇشىن 55 جاستان 63 جاسقا دەيىنگى 4 ەڭ تومەنگى كۇنكورىس دەڭگەيى (184 912 تەڭگە) مولشەرىندە اي سايىنعى تولەمدەر كوزدەلگەن. تولەمدەر ءتورت كوزدەن جۇزەگە اسىرىلادى: رەسپۋبليكالىق بيۋدجەت ەسەبىنەن، جۇمىس بەرۋشىنىڭ ەسەبىنەن، زەينەتاقى جيناقتارى ەسەبىنەن جانە ساقتاندىرۋ ۇيىمدارىنىڭ ەسەبىنەن ءاربىر كوزدەن 1 ەڭ تومەنگى كۇنكورىس دەڭگەيىنەن. باعدارلاما ىسكە قوسىلعاننان بەرى 12 مىڭعا جۋىق جۇمىسشى ەرتە زەينەتكە شىعۋ مۇمكىندىگىن پايدالاندى. تولەمدەرگە كوزدەلگەن سوما 26 ملرد تەڭگەنى قۇرايدى. ونىڭ ىشىندە 4،5 ملرد تەڭگە تولەندى»، – دەپ اتاپ ءوتتى ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى.
2024 جىلدان باستاپ جومس شەڭبەرىندە زەينەتاقى الدىنداعى تولەمدەردەن باسقا (قىزمەتكەرلەردى جازاتايىم وقيعالاردان مىندەتتى ساقتاندىرۋ) جۇمىس بەرۋشىلەرگە ەڭبەك جاعدايلارىن جاقسارتۋ ءۇشىن الدىن الۋ شارالارىن جۇرگىزۋگە تولەمدەر جۇزەگە اسىرىلادى. بۇگىنگى تاڭدا تەك ءبىرىنشى جىلى ساقتاندىرۋشىلار 28 ملن تەڭگەگە جۋىق سوماعا الدىن الۋ تولەمدەرىن جۇزەگە اسىردى.
«ساقتاندىرۋ ۇيىمدارىنىڭ مىندەتتەمەلەرىنىڭ وسۋىنە بايلانىستى 2025 جىلدىڭ اقپان ايىندا جۇيەنىڭ قارجىلىق تۇراقتىلىعىن ارتتىرۋ ءۇشىن قايتا ساقتاندىرۋ پۋلى قۇرىلدى. بۇل پۋل جۇكتەمەنى ونىڭ قاتىسۋشىلارى اراسىندا ءتيىمدى قايتا بولۋگە، ساقتاندىرۋدىڭ جالپى شىعىندارىن ازايتۋعا مۇمكىندىك بەرەدى جانە ساقتانۋشىلارعا ساقتاندىرۋدىڭ ءتيىمدى شارتتارىن جاساسۋعا مۇمكىندىك بەرەدى»، – دەدى سپيكەر.
ونىڭ ايتۋىنشا، سوڭعى 7 جىلدا ساقتاندىرۋ نارىعىندا ەسەپتەلگەن ساقتاندىرۋدىڭ 7 جاڭا ءتۇرى پايدا بولدى: ادۆوكاتتاردىڭ، زاڭ كونسۋلتانتتارىنىڭ، جەكە سوت ورىنداۋشىلارىنىڭ، كەدەن وكىلدەرىنىڭ، كەدەن قويماسىنىڭ يەلەرىنىڭ كاسىبي جاۋاپكەرشىلىگىن ساقتاندىرۋ جانە ەڭبەك ميگرانتتارىن مەديسينالىق ساقتاندىرۋ.
«2024 جىلدىڭ قازان ايىنان باستاپ مەديسينالىق قىزمەتكەرلەردى دە، پاسيەنتتەردى دە قورعاۋدى قامتاماسىز ەتەتىن مەديسينالىق قىزمەتكەرلەردىڭ كاسىبي جاۋاپكەرشىلىگىن ساقتاندىرۋ ەنگىزىلدى. بۇل دارىگەرلەردىڭ كاسىبي قىزمەتىندەگى قاتەلىكتەردەن نەمەسە كەمشىلىكتەردەن تۋىنداۋى مۇمكىن شىعىنداردى جابۋعا مۇمكىندىك بەرەدى. بۇل پاسيەنتتىڭ دەنساۋلىعىنا زيان كەلتىرگەنى ءۇشىن زياندى وتەۋدى، سونداي-اق تالاپ قويۋ كەزىندە سوت شىعىندارىن جابۋدى قامتيدى. ساقتاندىرۋدىڭ بۇل ءتۇرىن ءبىرىڭعاي ساقتاندىرۋ پۋلى جۇزەگە اسىرادى، وعان 14 ساقتاندىرۋ ۇيىمى قاتىسادى»، – دەپ تولىقتىردى ماريا حادجييەۆا.
ونىڭ ايتۋىنشا، پۋل ىسكە قوسىلعاننان بەرى 1620 شارت جاسالىپ، 186 مىڭ مەديسينا قىزمەتكەرىنىڭ جاۋاپكەرشىلىگى ساقتاندىرىلعان. ساقتاندىرۋ سىيلىقاقىلارىنىڭ جالپى سوماسى 979 ملن تەڭگەنى قۇرادى. ءبىرىڭعاي ساقتاندىرۋ پۋلىنىڭ جارتى جىلدىق جۇمىسىنىڭ ناتيجەسىندە 35 ملن تەڭگە سوماسىنا ساقتاندىرۋ تولەمدەرى جۇزەگە اسىرىلدى.