«حالىقتىڭ كوشى-قونى تۋرالى» زاڭدى ىسكە اسىرۋ اياسىندا 2023 جىلعى شىلدەدەن باستاپ قازاقستاندا قانداس مارتەبەسىن بەرۋدىڭ بەس نەگىزگى شارتىن قامتيتىن جاڭا تاسىلدەر ەنگىزىلدى.
ولاردى ىسكە اسىرۋ شەڭبەرىندە وتكەن كەزەڭدە قانداس مارتەبەسى 10 563 ەتنيكالىق قازاققا بەرىلدى، دەپ حابارلايدى almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
كانداس مارتەبەسى كەلەسى شارتتاردى ەسكەرە وتىرىپ:
– قونىس اۋدارۋشىلار مەن قانداستاردى قابىلداۋدىڭ وڭىرلىك كۆوتالارى شەڭبەرىندە ق ر ۇكىمەتى ايقىنداعان وڭىرلەرگە قونىستاندىرۋ ءۇشىن (ەڭبەك تاپشىلىعى بار وڭىرلەر)؛
– دەموگرافيالىق دامۋعا قاجەتتىلىگى بار دامۋ الەۋەتى بار اگلومەراسيالار مەن اۋىلدىق ەلدى مەكەندەردىڭ، شاعىن جانە مونوقالالاردىڭ، اۋداندىق جانە وبلىستىق ماڭىزى بار قالالاردىڭ اۋماقتارىندا قونىستاندىرۋ ءۇشىن؛
– تۇرعىن ءۇي ماسەلەلەرىن ءوز بەتىنشە شەشۋ مۇمكىندىگىمەن (نەمەسە ەگەر ءوتىنىش بەرۋشى تۇرعىن ءۇي يەسى بولىپ تابىلماسا، ونىڭ تۇرۋىنا تۋىستارىنىڭ نوتاريات كۋالاندىرعان كەلىسىمىن بەرۋمەن) ءوتىنىش بەرۋشىنىڭ ءوتىنىش بەرۋ ءوڭىرىنىڭ اۋماعىندا تۇراقتى تۇراتىن قازاقستان ازاماتتارى بولىپ تابىلاتىن وتباسىمەن جانە/نەمەسە جاقىن تۋىستارىمەن (تۋىستىعىن راستاي وتىرىپ) قايتا قوسىلۋى ءۇشىن؛
– جۇمىس بەرۋشىلەردىڭ شاقىرۋى بويىنشا بوس جۇمىس ورنىنا جۇمىسقا ورنالاسۋ ءۇشىن (الدىن الا ەڭبەك شارتىن قوسا بەرە وتىرىپ) نە تۇرعىن ءۇي ماسەلەلەرىن ءوز بەتىنشە شەشۋ مۇمكىندىگى بار ەتنيكالىق قازاقتار قاتارىنداعى دارا كاسىپكەرلەر ءۇشىن؛
– قازاقستان رەسپۋبليكاسىنىڭ جوعارى وقۋ ورىندارىندا وقيتىن ەتنيكالىق قازاقتار ءۇشىن (وقۋ ورنىنان انىقتامانى قوسا بەرگەن كەزدە) بەرىلەدى.
جاڭا تاسىلدەر ىسكە اسىرىلعان ساتتەن باستاپ ەڭبەك تاپشىلىعى بار وڭىرلەرگە قونىستانۋ ءۇشىن 3296 ەتنيكالىق قازاق (1374 وتباسى)؛ اگلومەراسيالار اۋماقتارىندا جانە اۋىلدىق ەلدى مەكەندەردە قونىستاندىرۋ ءۇشىن – 948 ادام (475 وتباسى)؛ وتباسىمەن جانە/نەمەسە جاقىن تۋىستارىمەن قاۋىشۋ ءۇشىن – 5655 ادام (2843 وتباسى)؛ بوس جۇمىس ورنىنا جۇمىسقا ورنالاسۋ ءۇشىن جۇمىس بەرۋشىلەردىڭ شاقىرۋى بويىنشا ورىن – 593 ادام (295 وتباسى)؛ جوعارى وقۋ ورىندارىنىڭ ستۋدەنتتەرى رەتىندە – 71 ادام (69 وتباسى) قانداس مارتەبەسىن الدى.
ەستەرىڭىزگە سالا كەتەيىك، ەتنيكالىق قازاقتاردىڭ تاريحي وتانىنا ورالۋىن ىنتالاندىرۋ جونىندەگى مەملەكەتتىك ساياسات ەلىمىز تاۋەلسىزدىك العان ساتتەن باستاپ ىسكە اسىرىلۋدا. وسى جىلدار ىشىندە قازاقستانعا 1 ملن 137،1 مىڭنان استام ادام ورالىپ، قانداس مارتەبەسىن الدى.