قازاقستان مەن وزبەكستان اۋە كەڭىستىگى ارقىلى وتەتىن جاڭا ت916 باعىتى اشىلدى. بۇل ەۋروپا مەن وڭتۇستىك-شىعىس ازيا اراسىن جالعايتىن قوسىمشا باعىتتاردىڭ ءبىرى.
بۇل باعىت اشىلعالى ەۋروپادان وڭتۇستىك-شىعىس ازياعا 19 رەيس جاسالعان، دەپ حابارلايدى almaty-akshamy.kz.
كولىك مينيسترلىگىنىڭ مالىمەتىنشە، جاڭا باعىتپەن Lufthansa Cargo (گەرمانيا)، Cargolux (ليۋكسەنبۋرگ)، Cargolux Italy (يتاليا)، Nomad aviation (شۆەيساريا)، Western Global Airlines (سشا)، Aerologic Cargo Airlines (گەرمانيا) سياقتى اۆياكومپانيالار رەيستەر ورىنداۋدا.
ت916 اۋە كەڭىستىگى تراسساسىنىڭ جالپى ۇزىندىعى 2187 شاقىرىمدى قۇرايدى، ونىڭ ىشىندە بورتتار 437 شاقىرىم وزبەكستان رەسپۋبليكاسىنىڭ اۋە كەڭىستىگىن پايدالانسا، قالعان 1750 شاقىرىم قازاقستان رەسپۋبليكاسىنىڭ اۋماعىنىڭ ۇستىمەن وتەدى.
ايتا كەتۋ كەرەك، ت916 اۋە قوزعالىسىنا قىزمەت كورسەتۋدىڭ جاڭا باعىتى وزبەكستان رەسپۋبليكاسىنىڭ اۆياكومپانيالارى مەن اەروناۆيگاسيالىق پروۆايدەرى – «ۋزاەروناۆيگاسيا» مۋك ۇسىنىسى بويىنشا اشىلدى. بۇل باعىت يكاو-نىڭ تاڭداۋلى باعىتتارىنىڭ كاتالوگىنا ەنگىزىلدى.
«قازاەروناۆيگاسيا» رمك ماماندارىنىڭ ايتۋىنشا، جاڭا اۋە ءدالىزى شەتەلدىك اۆياكومپانيالار ءۇشىن قازاقستان اۋە كەڭىستىگىنىڭ تارتىمدىلىعىن ارتتىرادى، سونداي-اق وڭتۇستىك قازاقستان اۋە قوزعالىسىنا قىزمەت كورسەتۋ وڭىرلىك ورتالىعىنىڭ اۆياديسپەچەرلەرىنە تۇسەتىن اۋىرتپالىقتى ازايتۋعا كومەكتەسەدى.