Onyń mólsheri - 60 AEK, ıaǵnı 207 000 teńge.
Qazaqstan Úkimetiniń 2022 jylǵy 30 jeltoqsandaǵy qaýlysymen zeınet jasyna jetken Ulttyq Ǵylym akademıasynyń akademıkterine aı saıynǵy stıpendıa mólsheri belgilendi, dep habarlaıdy Almaty-akshamy.kz.
Stıpendıaǵa iligý úshin akademıkter kelesi qujattardy usynýy qajet:
- Stıpendıany erkin nysanda tóleýge ótinish;
- UǴA akademıgi mártebesin rastaıtyn qujat (UǴA akademıgi mártebesin berý týraly UǴA otyrysynyń hattamasynan úzindi);
- QR azamattyǵyn rastaıtyn qujat (QR azamatynyń jeke kýáliginiń nemese pasportynyń kóshirmesi);
- Ekinshi deńgeıdegi bank aıqyndaıtyn nysan boıynsha shottyń bolýy týraly bankten anyqtama.
Shákirtaqy tóleý kelesi jaǵdaılarda toqtatylady:
- UǴA akademıginiń qaıtys bolýy (qaıtys bolý týraly anyqtama/kýálik);
- UǴA akademıgin habar-osharsyz ketti dep taný nemese ony qaıtys boldy dep jarıalaý (sot aktisi);
- UǴA quramynan shyǵarý (UǴA Prezıdıýmy otyrysynyń hattamasynan úzindi);
- Stıpendıat QR azamattyǵynan aıyrylǵan jaǵdaıda.
Qaýly 2023 jyldyń 10 qańtarynan bastap qoldanysqa engiziledi.