Almatyda kóshelerdegí kóktaıǵaqtyń aldyn aluǵa arnalǵan jańa júk kólíkterí satyp alyndy.
Almatyda byudjet qarajaty esebínen «Almaty Tazalyq» MKK qaramaǵyna kóshedegí kóktaıǵaqtyń aldyn alu úshín KamAZ 65116-6010-48 avtomobılíne ornatylǵan sūıyqtyq shashatyn aspaly jabdyǵy bar úsh aralas jol mashınasy satyp alyndy.
Jańa kólíkter Almatynyń Almaly, Bostandyq, Medeu audandarynda kóshe tazalyǵymen aınalysady. «Almaty Tazalyq» MKK ókílderí jańa tehnıkanyń kóktaıǵaqpen kúresude paıdasy kóp ekenín aıtady.
- Būl tehnıkanyń erekshelígí – sūıyq reagent qoldanylady. Yaǵnı, kóshege sebetín sūıyqtyqtyń 24%-y tūz erítíndísí, qalǵan bólígí sudan tūrady. Atalmysh kólíkter qardyń aldynda, qar jaumaı tūryp kóshelerge arnaıy sūıyqtyqty seuíp shyǵady. Ol joldarda mūz qatpauy úshín jasalady. Sūıyqtyq shashatyn aspaly jabdyǵy kólíktíń artynda ornatylǵan. Ol 12 metrge deıín reagent shasha alady. Jalpy, sūıyqtyqtyń kólemí 30 shaqyrymǵa deıín jetedí. Sondaı-aq, aıtylǵan tehnıka jaz kezínde de kóshe tazalyǵy úshín jūmys ísteı alady, oǵan bólek arnaıy jabdyǵy bar. Qazír būl kólíkterdíń tıímdílígí ís júzínde taǵy bír ret tekseríledí. Eger jaqsy nátıje kórsetetín bolsa, aldaǵy uaqytta mūndaı kólíkterdíń sany kóbeıedí dep úmíttenemíz», – dedí «Almaty Tazalyq» MKK Bostandyq audany boıynsha bólím basshysynyń orynbasary Esímhanov Ersín Jūmabaıūly.
«Almaty Tazalyq» MKK ókílí atalmysh tehnıkanyń qorshaǵan ortaǵa zıyany joq ekenín de habarlady.
- Tehnıkanyń qorshaǵan ortaǵa zıyany joq. Sūıyqtyq sebílgen soń, eshqandaı qoqys qalmaıdy. Būryn bíz tūzben aralasqan qūm shashatynbyz. Ol keıín qala joldarynda balshyqqa aınalyp, qala tūrǵyndaryna qolaısyzdyq tudyratyn. Su men tūz aralasqandyqtan, reagentte eshqandaı qaldyq bolmaıdy, su aǵyp ketedí. Kólíktí basqaryp, tazalyq jūmystaryn júrgízuge bír ǵana júrgízushí jetkílíktí, – dedí ol.