Almatynyń taý bókterinde salynyp jatqan taýnhaýs sot sheshimimen súrilip jatyr.
"Nurlytaý" shaǵynaýdanynda salynyp jatqan kóp qabatty úı búgin sot oryndaýshylarynyń qatysýymen súrile bastady.
Aǵymdaǵy jyldyń naýryz aıynda Qala qurylysyn baqylaý basqarmasy júrgizgen jospardan tys tekserý nysannyń zańsyz salynyp jatqanyn anyqtady. Quqyqbuzýshylyqtardy joıý týraly uıǵarym shyǵarylyp, nysan ıesi ákimshilik jaýapkershilikke tartyldy.
Nusqama merziminiń ótýine baılanysty zań buzýshylyqtar joıylmaı, osyǵan baılanysty materıaldar zańsyz turǵyzylǵan nysandy buzý úshin Bostandyq aýdandyq sotyna joldandy. Aýdandyq sot nysandy buzý týraly oń sheshim shyǵarǵanymen, nysan ıesi oǵan keri shaǵymdanǵan.
Sot otyrysynyń qorytyndysy boıynsha Almaty qalalyq soty Bostandyq aýdandyq sotynyń sheshimin ózgerissiz qaldyrý týraly sheshim qabyldady.