Zańsyz tabylǵan qarajatty krıptonaryq arqyly jasyrýǵa jol berilmeıdi.
Qarjy monıtorıńi agenttigi «Binance» halyqaralyq krıptobırjasymen osy baǵytta birlesip jumys isteýge kelisti, dep habarlaıdy Almaty-akshamy.kz.
Bul - qylmystyq jolmen baıýdyń aldyn alýǵa baǵyttalǵan qadamnyń biri. Óıtkeni sońǵy kezde zańsyz tabysyn vırtýaldy aqshaǵa aınaldyrý arqyly zańdastyratyndar kóbeıgen. Agenttik bolashaqta osy tásilmen shetel asqan memleket qarajatyn qaıtarýdy da josparlap otyr.
«Krıptoaktıvterdi toqtata alamyz. Buǵattaı alamyz. Bolashaqta sot úkimimen, bolmasa basqa da quzyrly organdardyń qaýlysymen biz ony memleketke tárkileı alamyz», - dedi QR Qarjylyq monıtorıń agenttigi departament basshysynyń orynbasary Kenesary Baǵbanuly.