Júrgizilgen taldaý jumystary mundaı qaýiptiń basym kópshiligi shetelden túsetinin kórsetti.
Bul týraly İshki ister mınıstrligi baspasóz qyzmetiniń ókili Shuǵyla Turlybek vedomstvonyń aptalyq brıfıńinde málimdedi, dep habarlaıdy Almaty-akshamy.kz Baq.kz-ke silteme jasap.
Internette «svatıng» dep atalatyn, ıaǵnı ózge tulǵalardyń atynan shuǵyl qyzmetke jalǵan habarlamalardy jappaı taratýmen aınalysatyn jasyryn qaýymdastyqtar bar. Olardyń ýáji ártúrli: jeke kek alý, janjal, basqa adamdy áýre-sarsańǵa salý. Qazaqstandyq oqýshylar arasynda da osyndaı toptarǵa áýesteri bar, - dep atap ótti vedomstvonyń resmı ókili.
Sonymen qatar ol quqyqtyq tártip organdary ata-analarǵa balasynyń ınternetten ne qaraıtynyna muqıat bolý qajettigini eskertetinin jetkizdi.
İİM arnaıy organdarmen birigip, sheteldik quqyq qorǵaý organdarymen, sondaı-aq qastyq oılaýshylardyń İR-mekenjaılaryn, akkaýnttaryn jáne ózge de málimetterin anyqtaý úshin ınternet-provaıderlermen belsendi jumys isteıdi. Tek qana sońǵy eki aıdyń ishinde ınternet arqyly jalǵan habarlama taratqan 5 adam anyqtaldy. Jalpy, jyl basynan beri 28 adam mundaı áreketteri úshin qylmystyq jaýapkershilikke tartylǵan. Olardyń 8-i bas bostandyǵynan aıyryldy, - dedi Shuǵyla Turlybek.