2025 jylǵy 12 maýsymda QR Parlamenti Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine turǵyn úı qurylysyna úlestik qatysý, avtomobıl joldary jáne múgedektigi bar adamdardy tasymaldaý jónindegi qyzmetterdi kórsetý máseleleri boıynsha ózgerister men tolyqtyrýlar engizý týraly» QRZ jobasy qabyldandy.
Bul týraly Aqshamnews.kz Ónerkásip jáne qurylys mınıstrligine silteme jasaı otyryp habarlaıdy.
Zań jobasy sheńberinde kelesi sharalar kózdelgen:
- turǵyn úı qurylysyna úlestik qatysýdyń tartymdylyǵyn arttyratyn qurylys salýshylarǵa qoıylatyn talaptardy tómendetý jáne jaǵdaılardy jaqsartý;
- úleskerlerdiń aqshasyn úlestik zańnamany aınalyp ótýge tartý týraly sharttar jasasýǵa tyıym salýǵa baǵyttalǵan memlekettik retteýdi kúsheıtý;
- turǵyn úı qurylysyna úlestik qatysý sheńberinde jeke turǵyn úı keshenderin salý;
- úleskerlerdiń aqshasyn tartýǵa ruqsatsyz salynyp jatqan turǵyn úıdi jarnamalaýǵa tyıym salý.
Kórsetilgen normalar úlestik qurylys prosesteriniń zańdylyǵy men ashyqtyǵyn qamtamasyz etý, qurylys naryǵynyń barlyq qatysýshylaryn teńestirý, memleket tarapynan baqylaýdy kúsheıtý jolymen úleskerlerdiń quqyqtary men zańdy múddelerin qorǵaýǵa jáne turǵyn úı naryǵyn turaqtandyrýǵa múmkindik beredi.