Afısha, kúni, jarıalanǵan formaty shyndyqqa sáıkes kelmeıdi
Áleýmettik jelilerde Olga Kortýnkova, Denıs Dorohov, Davıd Sallaev jáne t. b. komedıanttardyń qatysýymen "mýzykalyq-patrıottyq marafonnyń" ótkizilýi týraly aqparattarǵa qatysty "Almaty áýenderi" KMQK baspasóz qyzmeti taratylǵan "Za Rossıý!" banner-afıshasy jalǵan ekenin málimdedi, dep habarlaıdy Almaty-akshamy.kz.
«Afısha, kúni, jarıalanǵan formaty shyndyqqa sáıkes kelmeıdi. Resmı afısha men konserttik baǵdarlamada qandaı da bir saıası astary joq ekenin atap ótemiz»,-delingen habarlamada.
Aıta keteıik, uıymdastyrýshymen konserttik zaldy jalǵa alý jáne «Odnajdy v Rossıı» satıralyq shoýyn ótkizý týraly kelisim-shart 2021 jyldyń 8 jeltoqsanynda jasalǵan. Buryn gastrólge sáıkes, konserttik baǵdarlama qańtar aıyna josparlanǵan jáne eki ret 2022 jyldyń mamyr aıyna aýystyrylǵan.
Búginge deıin ujym Qazaqstannyń 8 qalasynda, sonyń ishinde Qaraǵandy, Petropavl, Qostanaı, Pavlodar, Óskemen qalalarynda óner kórsetti.
«Odnajdy v Rossıı» - 2014 jyldyń 28 qyrkúıeginen beri bar jáne taza oıyn-saýyq bolyp tabylatyn komersıalyq joba. Qazaqstandaǵy baǵdarlamanyń formaty da tek qana komedıalyq bolyp qala beredi, muny https://almaty-ayenderi.kz resmı saıtynda jarıalanǵan aqparat tolyq dáleldeıdi.
Eske salaıyq, áleýmettik, ulttyq, rýlyq, taptyq jáne dinı arazdyqty qozdyrýǵa baǵyttalǵan jalǵan aqparatty (jalǵan aqparat) taratý Qazaqstan Respýblıkasynyń Zańymen qýdalanady.
Arandatýshylyqqa boı aldyrmaýlaryńyzdy, sondaı-aq aqparatty tekserip, tek resmı aqparat kózderine senýlerińizdi suraımyz.