Bıyl balalaryna alıment tólemeı izdeýde júrgen 66 azamattyń qaıda júrgeni anyqtaldy, dep habarlaıdy Almaty-akshamy.kz Pavlodar oblysy İİD kóshi-qon qyzmetine silteme jasap.
İİD kóshi-qon qyzmetiniń basshysy Arman Ýálıevtiń aıtýynsha, «Avtopotok» jáne «Integra» avtomattandyrylǵan júıelerine boryshkerlerdiń kóligi týraly málimetter engizilgen. Qazaqstannan shyǵyp ketken izdeýde júrgen 20 adamǵa qatysty olardyń ornalasqan jeri boıynsha memleketterdiń ishki ister organdaryna hattar joldanypty.
«Boryshkerler men alıment tólemeıtinderdi izdeý – kóshi-qon qyzmetiniń mańyzdy baǵyttarynyń biri. Polısıa departamenti men jergilikti atqarýshy organdar bul salaǵa erekshe kóńil bólýde», - deıdi ol.
Alıment tólemeı qashyp júrgen 36 jastaǵy áıel Reseıdiń Vladımır oblysynan tabylǵan. Quqyq qorǵaý organdarynyń málimetinshe, jaýapkerdi izdeýdi bastaý úshin talapkerdiń turǵylyqty jeri boıynsha ishki ister organdarynda tirkelgen sot buıryǵy qajet.