Prezıdent tapsyrmasy oryndalyp, ustazdardyń jalaqysy artty
QR Prezıdenti Qasym-Jomart Toqaevtyń ustazdar jalaqysyn kóbeıtý týraly tapsyrmasy oryndaldy, dep habarlaıdy Almaty-akshamy.kz Prezıdent baspasóz qyzmetiniń Telegram paraqshasyna silteme jasap.
Esterińizde bolsa, Memleket basshysy Qasym-Jomart Toqaev 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda ustazdar jalaqysyna qatysty másele kótergen bolatyn.
«Bilim salasyndaǵy basty máseleniń biri – ustazdar jalaqysynyń azdyǵy. Men 2021 jyldyń qańtar aıynan bastap muǵalimderdiń eńbekaqysyn 25 paıyzǵa kóbeıtý jóninde sheshim qabyldadym. Jalaqy mólsheri aldaǵy ýaqytta da arta beredi. Bul maqsatqa aldaǵy úsh jylda qosymsha 1,2 trln teńge bólinedi», - degen edi QR Prezıdenti.
Sonymen 2021 jyldyń 1 qańtarynan bastap mádenıet salasyndaǵy arnaýly mektepter men kolejer qyzmetkerleriniń eńbekaqysy 25 paıyzǵa ósti.
2022 jyldyń 1 qańtarynan bastap jalaqy taǵy 25 paıyzǵa kóbeıdi.
Memlekettik bilim berý uıymdarynyń muǵalimderine sabaqtan tys sport sabaqtaryn ótkizgeni úshin bazalyq laýazymdyq jalaqynyń 100 paıyzy mólsherinde qosymsha aqy tóleý júıesi engizildi.
Dene shynyqtyrý jáne sport salasyndaǵy mamandandyrylǵan mektepter men kolejder qyzmetkerleriniń jalaqysy 25 paıyzǵa ósti.