Áleýmettik jelide Almaty – Oral baǵytynda ushatyn ushaq bortynda túsirilgen beınejazba tarady.
Jas jigit bomba qoıylǵany týraly áleýmettik jelide ázildemekshi bolǵan. Osyǵan baılanysty bortty áýe kúzetiniń ókilderi kınologtarmen birge kelip teksergen, dep habarlaıdy aqshamnews.kz.
Sodan keıin jas jigitti ushaq bortynan túsirip, alyp qalǵan.
Beınejazbada onyń kózine jas alyp, qapalanǵany anyq kórinedi. Ushaq bir saǵatqa keshigip ushqan.
İİM Kóliktegi polısıa departamentiniń baspasóz qyzmetinen túsken málimetke qaraǵanda, atalmysh oqıǵaǵa baılanysty terorızm aktisi týraly kórineý jalǵan habarlaý boıynsha QR QK 273-babyna sáıkes sotqa deıingi tergeý amaldary júrgizilip jatyr.
«Ózge aqparat QR Qylmystyq-prosestik kodeksiniń 201-babynyń talaptaryna sáıkes jarıa etýge jatpaıdy», dep habarlady vedomstvodan.
Atalǵan bap boıynsha aıypty dep tanylǵan adam bes myń aılyq eseptik kórsetkish mólsherinde aıyppul salýǵa ne sol mólsherde túzeý jumystaryna ne bes jylǵa deıingi merzimde bas bostandyǵyn shekteýge ne sol merzimge bas bostandyǵynan aıyrýǵa jazalanady.