Ushaqtyń keshigýi únemi qolaısyzdyq týdyrady. Mundaıda jolaýshy ótemaqy talap ete ala ma? Bul úshin qandaı zańdarǵa súıenýge bolady? Tolyǵyraq Aqshamnews.kz materıalynda.
Qazaqstandaǵy erejeler
Qazaqstanda jolaýshylar quqyǵy «Qazaqstan Respýblıkasynyń áýe keńistigin paıdalaný jáne avıasıa qyzmeti týraly» zańymen qorǵalady. Zańnyń 86-babynda keshigýge baılanysty naqty talaptar kórsetilgen:
-
2 saǵattan artyq kútseńiz, 2 ret tegin qońyraý shalýǵa nemese 2 habarlama jiberýge quqyǵyńyz bar;
- Balalary bar analarǵa arnaıy bólme berilýi kerek;
-
4 saǵattan assa, tamaq berilýge tıis (kúndiz ár 6 saǵat saıyn, túnde ár 8 saǵat saıyn);
-
kúndiz 8 saǵattan, túnde 6 saǵattan artyq kútkende qonaq úımen qamtamasyz etý mindetti;
-
reıs 5 saǵattan asa keshikse, aqshany tolyq qaıtarýdy nemese basqa reıske tegin bılet alýdy tańdaı alasyz.
Barlyq shyǵyndy áýe kompanıasy ózi kóteredi. Eger olar mindetin oryndamasa, QR Tutynýshylardyń quqyqtaryn qorǵaý komıtetine nemese Azamattyq avıasıa komıtetine shaǵymdanýǵa bolady.
Jalpy reıster nege keshigedi?
Reıster birneshe sebeppen keshigýi múmkin:
- aýa raıynyń qolaısyzdyǵy (qatty jel, tuman, boran jáne basqalary);
- aıaq astynan týyndaǵan jáne aldyn alý múmkindigi joq tehnıkalyq sebeppen, oǵan ushaqty aýystyrý da jatady;
- keıde bir ushaqtyń kesirinen odan keıingi reıster birinen keıin biri keshigedi.
- Jolaýshylardyń ómirine nemese densaýlyǵyna qaýip tóndirmeý úshin júrgiziletin jumystardan da keshigý bolady.
- Keıde jolaýshy ushaqqa minip, keıin ushýdan bas tartýy múmkin.
- Áýe kompanıasy ushý kestesiniń josparly jáne jospardan tys ózgerýi múmkin.
Eýropadaǵy erejeler
EO elderinde jáne oǵan qosymsha birqatar aýmaqta №261/2004 reglamenti men Monreal konvensıasy qoldanylady.
-
1500 shaqyrymǵa deıingi qashyqtyqta — 2 saǵattan keshikse, tegin tamaq pen sýsyn beriledi;
-
1500–3000 shaqyrym — 3 saǵattan soń qyzmet kórsetiledi;
-
5 saǵattan artyq keshikse, bılet qunyn qaıtaryp alýǵa nemese basqa reıske aýysýǵa bolady.
Sonymen qatar, 125-ten 600 eýroǵa deıin ótemaqy talap etýge múmkindik bar.
AQSH, Azıa jáne Afrıka
Bul aımaqtarda biryńǵaı zań joq, bári tasymaldaýshynyń erejesine baılanysty.
-
AQSH-ta tek bir talap bar: reıs 2 saǵattan keshikse jáne jolaýshylar ushaq ishinde otyrsa, sý men tamaq berilýi kerek.
-
Azıa men Afrıkada da zańdar elge qaraı ózgeredi, kóp jaǵdaıda kompanıanyń óz saıasaty sheshýshi ról atqarady. Sondyqtan bılet alarda áýe kompanıasynyń bedelin, keshigý tarıhyn aldyn ala qarap shyqqan jón.