Almaty qalasy áýejaıyndaǵy jelilik polısıa bóliminiń qyzmetkerlerine FlyArystan áýekompanıasynyń “Astana – Almaty” baǵytyndaǵy áýe reısi ushyp kelgen jolaýshy áıel akt boıynsha tapsyryldy.
Oqıǵa 27 qarashada boldy. Kólik polıseıleri tekserý barysynda masań kúıde áýe kemesiniń bortynda temeki shekken 28 jastaǵy Astana turǵynyn anyqtady, dep habarlaıdy Almaty-akshamy.kz Polisia.kz-ke silteme jasap.
Medısınalyq kýálandyrý nátıjesi boıynsha áıel jeńil dárejedegi masań kúıde bolǵan. Tártip saqshylary quqyq buzýshyǵa qatysty QR ÁQBtK-niń 440-babynyń 1-bóligi (Alkogóldik ishimdikterdi ishý nemese qoǵamdyq oryndarǵa masań kúıde kelý) jáne QR ÁQBtK-niń 441-babynyń 1-2-bóligi (Qazaqstan Respýblıkasynyń zańnamasymen tyıym salý belgilengen oryndarda temeki buıymdaryn, onyń ishinde qyzdyrylatyn temekisi bar buıymdardy, qorqorǵa arnalǵan temekini, qorqor qospasyn, temeki qyzdyrýǵa arnalǵan júıelerdi, tutynýdyń elektrondyq júıelerin jáne olarǵa arnalǵan suıyqtyqtardy tutynýǵa tyıym salýdy buzý) boıynsha eki ákimshilik hattama toltyryp, 55 aılyq eseptik kórsetkish, ıaǵnı 168 465 tg kóleminde aıyppul saldy.