Alaıaqtar joba týraly aqparatty teris maqsatta paıdalanyp jatyr.
Sıfrlyq teńge qolma-qol aqsha men qolma-qolsyz aqshanyń ornyn aýystyrmaıdy, qoldanysta olarmen qatar júretin bolady, dep habarlaıdy Almaty-akshamy.kz Baq.kz silteme jasap.
Qazaqstan Ulttyq banki jáne QUB tólem jáne qarjy tehnologıalaryn damytý ortalyǵy (TQTDO) sıfrlyq teńge týraly feık aqparattar men habarlamalardyń paıda bolǵanyn eskertedi.
Sıfrlyq teńge tóńireginde qyzyǵýshylyq artqandyqtan, alaıaqtar joba týraly aqparatty teris maqsatta paıdalanyp, jurtty adastyrýǵa kóshti. Messendjerlerde jańalyqtar shyǵarylymy formatynda qolma-qol aqshany sıfrlyq teńgemen aýystyrý týraly feık aqparattar men vıdeorolıkter tarap jatyr. Al, "Sıfrlyq teńge" jobasyna ınvestısıa salýdy jarnamalaýshylar alaıaqtyq saıttardy jasaýǵa kóshken. Bul habarlamalardyń barlyǵy da shyndyqqa janaspaıdy.
Sıfrlyq teńge qolma-qol jáne qolma-qol aqshasyz aýdarymdardyń ornyn aýystyrý úshin shyǵarylmaǵan, ol qoldanysta qatar júretin bolady. Sıfrlyq valúta biregeı tehnologıalyq sıpattamalardyń arqasynda Qazaqstannyń Ulttyq tólem júıesin odan ári damytýdy kózdeıdi, onyń ishinde ınternetsiz tólem jasaý múmkindigi de paıda bolady.
Qazir «Sıfrlyq teńge» jobasy ázirleý jáne synaqtan ótkizý kezeńinde tur. Ulttyq sıfrlyq valútany engizý boıynsha naqty sheshim osy jyldyń sońyna deıin qabyldanady dep josparlanýda. Al, Ulttyq bank sıfrlyq valútanyń artyqshylyqtary men táýekelderin, onyń aqsha-kredıt saıasatyna, qarjylyq turaqtylyqqa jáne tólem qyzmeti naryǵyna áserin jan-jaqty zerttep jatyr.
Sıfrlyq teńge jobasy týraly resmı aqparat kózi – Ulttyq Banktiń nationalbank.kz ınternet-resýrsy jáne TQTDO-nyń payfintech.kz saıty. Ózge saıttardyń, ásirese «.kz» domendik keńistiginen tys tirkelgen saıttardyń bul jobaǵa esh qatysy joq. Keńes alý úshin Ulttyq Banktiń 1477 baılanys ortalyǵyna habarlasýǵa bolady.