Medeý aýdanynyń №109 bóbekjaı-balabaqsha ujymy «Naýryz meıramyn» erekshe atap ótti. Bul kúni ulttyq merekemen qosa, ulttyq qundylyqtar da ulyqtaldy. «AMANAT» partıasynyń «Ulttyq mura» partıalyq jobasy, Medeý aýdany mektepke deıingi tárbıe men oqytý bólimi, Almaty qalasynyń mektepke deıingi tárbıe men oqytýdyń resýrstyq ortalyǵy birlesip, «Birtutas tárbıe» baǵdarlamasy negizinde mektebi» jobasy mektebi» jobasy úlken shara uıymdastyrdy.
«Ákeler mektebi» jobasy aıasynda ótken «Urpaq – ulttyq oıynmen shyńdalady» dep atalatyn otbasylyq jarysta ata-analar men balabaqsha búldirshinderi qazaq halqynyń ulttyq oıyn túrlerin jańǵyrtty. Sharany uıymdastyrýshylardyń aıtýynsha, atalmysh jarysty uıymdastyrýdaǵy basty maqsat - qazaq halqynyń ulttyq oıyn túrlerin nasıhattap, ony balabaqsha búldirshinderiniń boıyna sińirip, er balalardyń tárbıesine ákelerdiń barynsha kóńil bólýine yqpal etý. Jas urpaq sanasyna sergektik syılap, uly dala urpaqtaryna tán ójettik, mergendik, kúshtilik, ádildik sıaqty qasıetterdi damytýdy kózdegen jarystyń taǵy bir kózdegeni namysty, batyl, rýhy myqty uldardy tárbıeleýge qoǵamnyń nazaryn aýdarý. Osynaý mańyzdy da maǵynaly saıysqa «Tulpar» jáne «Altyn búrkit» mektepke daıarlyq tobynyń búldirshinderi men olardyń ákeleri qatysyp, «Asyq atý», «Qoı kóterý», «Buqa tartys», «Arqan tartys»,«Sadaq atý» syndy ulttyq oıyn túrleriniń kórigin qyzdyrdy.
Atalmysh sporttyq saıysty quramynda «AMANAT» partıasynyń Medeý aýdandyq fılıaly keńesshisi Ahmet Bolatuly, Medeý aýdanynyń mektepke deıingi tárbıe men oqytý bilim bóliminiń mamany Álıa Omarova, «№106 bóbekjaı-balabaqsha» meńgerýshisi Gúlnar Áskerbekqyzy, №114 bóbekjaı-balabaqsha meńgerýshisi Jeńiskúl Sybanova syndy ádilqazylar alqasy qatysýshylardyń ónerin baǵalap, jeńimpazdardy anyqtady. Jarys sońynda ákeler men balalardyń oıynyn joǵary baǵalanyp, olarǵa Alǵys hat pen syılyq tabys etildi.
Taqyrypqa oraı:
Orynbasar Qurmambaeva, №109 bóbekjaı-balabaqsha meńgerýshisi:
-Otbasynyń da, balabaqshanyń da maqsat-múddesi bireý - ol bala tárbıesi. Halqymyzda «jumyla kótergen júk jeńil» degen jaqsy sóz bar. Demek, otbasy men balabaqsha yntymaqtasa jumys istese, halqynyń dástúrin syılaıtyn tárbıeli, ultjandy urpaq qalyptasady. Mine, balabaqsha ata-analarynyń búgingi jarysqa belsene at salysyp, balalarymen birgeqatysyp jatqany da sonyń aıǵaǵy