Shekarashylar Almaty qalasynyń strategıalyq mańyzy bar nysandaryn basyp alýǵa jol bermedi, dep habarlaıdy Almaty-akshamy.kz UQK baspasóz qyzmetine silteme jasap.
Komıtettiń málimetinshe, Shekara qyzmeti Almaty oblysy boıynsha departamentiniń jeke quramy quqyq qorǵaý organdarymen jáne áskerı qurylymdarmen birlese otyryp, Almaty qalasynyń ákimshiligi men strategıalyq mańyzy bar nysandaryn qorǵaýǵa tikeleı qatysqan.
«Mıtıń kezinde qylmyskerler «Kóktóbe» teledıdar men radıohabar munarasyn basyp alýǵa tyrysty, osylaısha bandıtter aqparattyq basymdyqqa ıe bolyp, óz talaptaryn qoıýdy kózdegen edi, alaıda shekarashylar shabýylǵa toıtarys berdi», - delingen habarlamada.
Sonymen qatar, shekarashylar «Medeý» selden qorǵaý bógetiniń perımetrin de baqylaýǵa aldy.
«Kontrterrorıstik operasıanyń belsendi kezeńinde departamenttiń áskerı qyzmetshileri UQK Shekara qyzmetiniń arnaıy bólimshesimen birge qylmyskerlerdi, sondaı-aq zańsyz jolmen shetel asyp jasyrynýǵa tyrysqan adamdardy anyqtaý jáne ustaý jumystaryn júzege asyrdy», - delingen habarlamada.
Qazir shekara áskerleriniń bólimsheleri nysandarda jaýyngerlik kezekshilikti atqarýda.