72 jastaǵy Sársenbaı Qotyrashovtyń maqsaty – Qazaqstannyń 17 oblysyn aralaý
Ulytaýlyq qart jıhankez Almatyǵa jetti, dep habarlaıdy Almaty-akshamy.kz Almaty.tv-ge silteme jasap.
«Ulytaýǵa bardyń ba?» dep atalatyn qarıanyń bul marafony 31 naýryz kúni bastalǵan. Sapar barysynda aqsaqalǵa Jezqazǵan men Qyzylordanyń arasyndaǵy jol aýyr soǵypty. Kerek-jaraq salynǵan shaǵyn arbasyn súırep, kúnine 40-50 shaqyrymdy basyp ótedi eken.
«Eńbeksiz zeınet joq» degen qazaqta maqal bar. Jolǵa shyqqanda sol Qyzylorda trassasy qıyndaý boldy. Odan keıin qıyn bolǵany Túlkibas aýdanynan bastap, Tarazǵa deıingi aralyqta qınaldym», – dedi usta, saıahatshy Sársenbaı Qotyrashov.
Sársenbaı Qotyrashov – Ulytaý ulttyq tarıhı-mádenı jáne tabıǵı mýzeı-qoryǵynyń qyzmetkeri, eńbek ardageri. Qarashaǵa deıin ol búkil eldi-mekendi aralap, qoldanbaly óner sheberlerimen kezdesip, ózge óńirlerdiń turǵyndaryn Ulytaý aýdanynyń tarıhymen jáne kıeli jerlerimen tanystyrmaq. Jıhankez erteń Almatydan Semeı qalasyna attanbaq.
«Sársenbaı Qotyrashov Ospanulynyń saıahatyna seriktes retinde birge kele jatyrmyn.Biraq meniń mindetim – qonatyn, tamaqtanatyn, demalatyn jerin uıymdastyrý. Jalpy Sákeń bul oıyn 6 jyl buryn josparlap edi. Biz bar, otbasy bar qarsylyq tanyp júrdik. Bıyl saıahatqa shyqty», – dedi ólketanýshy Baqtıar Qojahmetov.