Bosqyndar arasynda aýǵan tilmashtary men keńesshileri bar
Brıtanıalyq áskerıler Aýǵanstanmen shekaralasatyn elderden shyǵa almaı qalǵan 102 bosqyndy qaýipsiz jerge kóshirdi, dep habarlaıdy Almaty-akshamy.kz Tass.ru agentigine silteme jasap.
Ulybrıtanıa Qorǵanys mınıstri senbi kúni taratqan málimette bosqyndar Birikken Koroldikke eki áskerı ushaqpen jetkizilgeni aıtylday.
Qaýipsiz jerge kóshirilgen bosqyndar arasynda – aýǵandyq tilmashtar men konsýltanttar bar, olar Aýǵanstanda NATO mısıasyn iske asyrý kezinde brıtandyq áskerılerge kómektesken. Sondaı-aq olardyń otbasy men buǵan deıin Brıtanıa azmattyǵyn alyp úlgergen adamdar da bar.
Brıtanıa Qorǵanys mınıstrligi aýǵandyq bosqyndardy úshinshi el arqyly shyǵarý jumysy áli birneshe aptaǵa jalǵasatynyn jetkizdi. Mınıstrlik bosqyndardy naqty qaı el arqyly shyǵaratynyn kórsetpedi, tek olar Ulybrıtanıanyń tyǵyz baılanystaǵy halyqaralyq seriktesi ekeni aıtylǵan.
«Tamyz aıynda biz Kabýldan 15 myńǵa jýyq qaýip tóngen brıtan azamaty men aýǵandyqty shyǵarý úshin tynymsyz eńbek ettik. Sol kezde men aýǵandyqtarǵa jasalatyn qoldaý munymen aıaqtalmaıtynyn málimdegen edim. Biz bırtandyq qarýly kúshterge kóptegen jyldar boıy kómek kórsetip, qoldap kelgen adamdar aldynda paryzdarmyz. Qazir olardyń ómirine qaýip tónip tur. Bul reıster bizdiń kómegimizge muqtaj jandardy kóshirý men qoldaý boıynsha uzaq merzimdi kúsh-jigerdiń bastalǵanyn bildirdi»,-deıdi Koroldiktiń Qorǵanys mınıstri Ben Ýolles.
Aýǵanstannan AQSH áskeri shyǵa salysymen «Talıban» qozǵalysy kúshteri eldi baqylaýǵa alý úshin aýqymdy operasıany bastap jibergeni belgili. 15 tamyzda tálipter el astanasy Kabýldy soǵyssyz basyp aldy. Al, Aýǵanstan prezıdenti Ashraf Ǵanı elden qashyp ketti. 6 qyrkúıek kúni tálipter eldi óz baqylaýyna laǵandaryn málimdedi. 7 qyrkúıekte ýaqytsha úkimettiń quramyn tanystyrdy, olardyń zańdy bılik ekenin osy ýaqytqa deıin eshbir el moıyndamady.