Jas teńizshige týdy kóterip, kartany zertteý tapsyrylǵan
Mańǵystaý oblysynyń teńiz shekara qyzmetine 8 jastaǵy bala qabyldandy, dep habarlaıdy Almaty-akshamy.kz «Habar 24» telearnasyna silteme jasap.
Telearna málimetinshe, Ulan Tileýhan shekara qyzmetinde ózin jaqsy qyrynan kórsetip úlgergen.
«Maǵan teńizshiler, teńiz ben keme unaıdy. Teńizshilermen kemede osymen úshinshi ret bardym. Teńizshi bolǵysy keletin dostarym bar. Olarǵa meniń kıimim unaıdy», - deıdi Ulan.
Kemede jas teńizshige týdy kóterip, kartany zerttep, baqylaý júrgizip, ýaqytty ólshep otyrý jumysy tabystalǵan. Keme teńizshileri men komandıri úshin Ulan kómekshige de, dosqa da, boıtumarǵa da aınalǵan.
Mektep oqýshysyn ata-anasy da qoldap otyr. Bolashaqta ol shekara qyzmetinde jumys istegisi keledi. Ulan olar teńizdi qorǵap qana qoımaı, brakonerlerdi ustaıdy, al bul Kaspııdegi janýarlar dúnıesin qamqorlyqqa alý degen sóz ekenin aıtady.