Almaty-akshamy.kz saıtynda jaryq kórgen jańalyqtarǵa sholý – kún kerýeni
«Uly daladan» bazarlyq
Elimizde tuńǵysh ret «Uly dala dámi» ulttyq jobasy ótkizildi.
«ULY DALA DÁMİ» jobasy aıasynda arnaıy daıyndalǵan «Naýryz qorjyndary» – «Sybaǵa» jáne «Tartý» qorjyndary bolyp bólinedi. Merekelik káde el aǵasy aqsaqaldarǵa, áz ájelerge, kópbalaly jáne erekshe balasy bar analarǵa, sondaı-aq, balalar úıine tartý etildi.
Jobanyń bastamashysy – «Alatau-Aqparat» medıaholdınginiń bas dırektory Erjan Qalymbaıuly: «Negizgi maqsatymyz — Áz Naýryzdy ásirese, balalar asyǵa kútetin basty merekege aınaldyrý. Ulystyń uly kúnin aıryqsha atap ótýde jańa qundylyqtar men dástúr qalyptastyrýǵa óz úlesimizdi qosqymyz keledi», deıdi.
Almatylyq alǵyrlar
7-11 naýryz aralyǵynda Almaty qalasynyń oqýshylary Kıprdiń Nıkosıa qalasynda ótken «FIRST Tech Challenge Cyprus 2024» halyqaralyq robototehnıka chempıonatyna qatysyp, jeńimpaz atandy. Týrnırge 18 jergilikti jáne álemniń túkpir-túkpirinen 7 komanda qatysty. Almatylyq «Sana team» komandasy «THINK AWARD» jáne «Winning Alliance AWARD» nomınasıalaryn jeńip, birinshi orynnan kórindi.
14 naýryz - halyqaralyq ózender kúni
Halyqaralyq ózender kúni úlken jáne kishi ózenderdi qorǵaý oıynan týyndaǵan. Álemde «Halyqaralyq bógetterge qarsy is-qımyl kúni» retinde belgili, ol amerıkandyq «Halyqaralyq ózender jelisi» qoǵamdyq uıymynyń bastamasymen ekologıalyq kúnder kúntizbesinde paıda boldy.
Toqaevtyń tazysy – Naýryz
Bul tazyny byltyr Memleket basshysyna ıt asyraýshy Anna Zaharova syıǵa tartqan bolatyn. Qazir Naýryz 1 jas 4 aıǵa toldy.
Qasym-Jomart Toqaev bos ýaqytynda tazymen serýendegendi unatady.
Kólikterdi tirkeý júıesi jańartylady
Búginde júk kólikteri men avtobýstardy zańsyz esepke qoıý faktileri jıilep ketti. Qazaqstandaǵy mamandandyrylǵan HQKO-larda júk kólikterin, avtobýstardy jáne basqa da kólikterdi esepke qoıýdyń zańdylyǵyn tekserý sharalary bastaldy.
Resmı málimetke sáıkes, 2023 jyldyń tamyz aıynan beri 23 qylmystyq is tirkeldi. Osy ister boıynsha 3 myńǵa jýyq avtokólik zańsyz tirkelgen. Al memleketke kelgen zalaldyń kólemi 14 mlrd teńgeden asty.
Bitimgershilerdi shyǵaryp saldy
Almatydaǵy 28 gvardıashy-panfılovshylar atyndaǵy saıabaqta QR Qarýly kúshteriniń bitimgerlik kontıngentin «BUU-nyń Golan bıiktikterindegi bólinýdi baqylaý jónindegi kúshteri» mısıasyna saltanatty túrde shyǵaryp salýǵa arnalǵan is-shara ótti. Alańǵa Qorǵanys mınıstrliginiń basshylyǵy, áskerı qyzmetshilerdiń týǵan-týystary men áriptesteri, Parlament depýtattary, atqarýshy bılik organdary men ardagerler uıymdarynyń, «Jas-sarbaz» áskerı-patrıottyq qozǵalysynyń ókilderi jınaldy.
Iassaýı kesenesi – adamzattyń asyl murasy
Úkimet basshysy Oljas Bektenov Qoja Ahmet Iassaýı kesenesin saqtaýdyń mańyzdylyǵyna toqtaldy.
Qoja Ahmet Iassaýı kesenesi – Túrkistannyń sáýlet-tarıhı kesheniniń biri, oǵan jyl saıyn 1 mln-nan astam adam kelip, zıarat etedi.Keseneniń tıisti jaı-kúıin saqtaý jónindegi jumystar tabıǵı jaǵdaılardyń áserine baılanysty jáne biregeı sáýlet eskertkishi men IýNESKO-nyń dúnıejúzilik mura nysanynyń saqtalýyn qamtamasyz etýge baǵyttalǵan.
Qorqordyń qorlyǵy
Qazaqstanda kalán shegýge ruqsat etken meıramhanalar men barlardyń ıelerine salynatyn aıyppul somasy ulǵaıady.
"Meıramhanalar men barlarda kalán shegetinin bárińiz de bilesizder. Búgingi zańnama tutynýshynyń ózine ǵana shara qoldaný máselesin retteıdi, biraq restoratorlar men kásipkerlerge qatysty norma joq. Osyǵan baılanysty biz jaýapkershilikti kúsheıtýdi kózdep otyrmyz. Iaǵnı aıyppul mólsherin ulǵaıtý jáne restoratorlar men kásipkerlerge qatysty norma qabyldaý týraly usynys engizdik", - dedi Densaýlyq saqtaý mınıstrligi medısınalyq kómekti uıymdastyrý departamenti dırektorynyń orynbasary Gúlnár Sársenbaeva.