El taǵdyryna qatysty mańyzdy oqıǵadan Ulttyq ulan áskerı qyzmetshileri de qalys qalmaı, óz daýystaryn berýde.
Tańǵy saǵat 07.00-de Almatydaǵy 5571 áskerı bólimindegi №107 daýys berý ýchaskesine alǵashqylardyń biri bolyp Qazaqstan Respýblıkasy Ulttyq ulan Bas qolbasshysynyń orynbasary general-maıor Baýyrjan Ábjanov kelip, daýys berdi, dep habarlaıdy aqshamnews.kz
Ekinshi «Ońtústik» óńirlik qolbasshylyǵynyń qolbasshysy general-maıor Talapker Ámireevte óz tańdaýyn jasady.
"Quqyqtyq tártip áskerleriniń áskerı qyzmetshileri barlyq ýaqytta joǵary azamattyq jaýapkershilik pen patrıottyq rýh tanytady. Ulttyq ulan elimizdiń tynyshtyǵy men turaqtylyǵyna jaýap beretin áskerı qurylym. Búgingi saılaýǵa árbir áskerı qyzmetshi belsendi qatysyp, óz tańdaýlaryn jasaıtynyna senimdimin", - deıdi general-maıor Baýyrjan Ábjanov.
«Ońtústik» óńirlik qolbasshylyǵy qolbasshysynyń tárbıe jáne áleýmettik-quqyqtyq jumystar jónindegi orynbasary polkovnık Nıaztaı Álkeshevtiń aıtýynsha, áskerı bólimderde ashylǵan saılaý ýchaskelerinde daýys berýshilerdiń belsendiligi óte joǵary. Áskerı qyzmetshilerdiń jeke quramy ǵana emes, olardyń otbasy músheleri de saıası naýqanǵa túgel qatysýda.
Ulttyq ulannyń «Ońtústik» óńirlikke qarasty áskerı bólimderdiń Otan aldyndaǵy azamattyq boryshyn ótep júrgen jaýyngerleri áskerı qalashyqtar aýmaǵynda ornalasqan 10 saılaý ýchaskesinde daýys berýde.
Aıta keteıik, «Ońtústik» óńirlik qolbasshylyǵyna qarasty áskerı bólimderde saılaý quqyǵy bar on myńǵa jýyq azamat qyzmet etedi.