Jyl saıynǵy otandyq taýar óndirýshilerdiń «ULTTYQ ÓNIM» kórmesi bıyl jetinshi ret ótkizilmek.
Ol 2023 jyldyń 5-7 mamyry aralyǵynda Almaty qalasyndaǵy «Atakent» iskerlik yntymaqtastyq ortalyǵynynyń 11 pavılonynda ótedi. 2015 jyldan beri kórmeni «Damý» kásipkerlikti damytý qory» AQ uıymdastyryp keledi, dep habarlaıdy Almaty-akshamy.kz.
İs-sharanyń ashylýy 05.05.2023 jyly saǵat 10:00-ge josparlanǵan. Resmı bólimniń sońynda kásipkerler men BAQ ókilderi úshin baspasóz konferensıasy ótedi.
Jyl saıynǵy «ULTTYQ ÓNIM» kórmesiniń ashylý saltanaty QR Premer-Mınıstriniń orynbasary – Qarjy mınıstri Erulan Jamaýbaevtyń, Almaty qalasynyń ákimi Erbolat Dosaevtyń, «Báıterek» UBH» AQ basqarma tóraǵasy Qanat Sharlapaevtyń, «Damý» kásipkerlikti damytý qory» AQ basqarma tóraıymy Gaýhar Býrıbaevanyń, Qazaqstan Respýblıkasy Parlamenti Májilisi depýtattarynyń, bank tóraǵalary men kásipkerlerdiń qatysýymen ótedi.
Kórmede ońtústik astana turǵyndary men qonaqtaryna azyq-túlik, qurylys, jıhaz jáne toqyma ónerkásibi, aýyl sharýashylyǵy, mamandandyrylǵan tehnıka men qural-jabdyqtar, kádesyılar men polıgrafıalyq ónimderdi kórsetetin 320-ǵa jýyq kompanıa óz ónimderin usynady. Kórmede «Halyq Tańdaýy» táýelsiz dám tatý baıqaýy jáne jetekshi qazaqstandyq óndirýshiler usynǵan áıelder men erler kıimderi toptamalarynyń kórsetilimi ótedi. Sonymen qatar kórme qatysýshylarynyń bıletteri arqyly kúndelikti utys oıyndary bolady.