Valútalyq saıasat aıasynda Ulttyq bank qubylmaly aıyrbas baǵamy saıasatyn ustanady.
Qazaqstan Ulttyq banki qazirgi jaǵdaıda teńge/rúbl baǵamynyń qalyptasýyna baılanysty maýsym aıynda rúbldiń barlyq valútalarǵa, eń aldymen AQSH dollaryna qatysty aıtarlyqtaı nyǵaıǵanyn habarlady, dep habarlaıdy Almaty-akshamy.kz QazAqparatqa silteme jasap.
«Osyndaı aıtarlyqtaı nyǵaıý RF-da engizilgen kapıtal qozǵalysyn baqylaý sharalary, energıa resýrstaryn qosa alǵanda, negizgi eksporttyq taýarlardyń joǵary baǵalary aıasynda, ımporttyń aıtarlyqtaı qysqarýymen baılanysty boldy.
Buryn engizilgen valútalyq shekteýlerdiń aıtarlyqtaı jeńildeýine qaramastan, Reseı rýbli munaı men gazdyń joǵary baǵasy men ımporttyń tómen kólemi aıasynda nyǵaıa berdi. Bul tıisinshe teńge/rúbl baǵamynyń rúbl úshin eń tómengi tarıhı kórsetkish – 9-9,1 teńgege deıin álsireýine ákeldi»,-delingen Ulttyq banktiń habarlamasynda.
Sondaı-aq atalmysh habarda Reseı Federasıasynda rúbl baǵamyn qalypqa keltirý sharalaryna qatysty ashyq pikirtalas júrip jatqany aıtylǵan. Bul rette tikeleı sharalardy qabyldaýdy RF-ǵa qarsy engizilgen sanksıalar qıyndatyp tur.
Óz kezeginde teńgeniń Reseı rýbline qatysty aıyrbas baǵamy tikeleı qalyptaspaıdy, ol teńge men rúbldiń dollarǵa qatysty baǵamyna qaraı jekeleı qalyptasady.
Teńge/rúbl naryǵy derbes qalyptastyrý úshin jetkilikti túrde tereń jáne ótimdi emes, bul RF men QR arasyndaǵy saýda teńgerimsizdigine, sondaı-aq qazaqstandyq eksporttaýshylardyń óz ónimderin Reseı Federasıasyna teńgege satpaýyna baılanysty. Reseılik eksporttaýshylardan aıyrmashylyǵy – reseılik rúblge satatyn eksporttaýshylarǵa qaraǵanda, Reseı Federasıasyndaǵy teńgege degen suranystyń tómendigi osymen baılanysty.
Valútalyq saıasat aıasynda Ulttyq bank qubylmaly aıyrbas baǵamy saıasatyn ustanady. Bul – teńgerimsizdikterdiń jınaqtalýyn boldyrmaıdy jáne onymen qatar eldiń altyn-valúta rezervterin saqtaýǵa múmkindik beredi. Sondyqtan rúblmen nemese kez kelgen basqa valútamen parıtetke áser etý maqsatynda ulttyq valútanyń aıyrbas baǵamy boıynsha kez kelgen amaldar jasaýǵa jol berilmeıdi.
«Qazaqstan Respýblıkasynyń Ulttyq banki aıdyń sońynda valúta naryǵynda jasalǵan barlyq operasıalar, onyń ishinde altyn-valúta aktıvteri esebinen jasalǵan ıntervensıalar, Ulttyq qordyń nemese BJZQ atynan jasalǵan operasıalar týraly aqparatty jarıa etedi. QR UB valúta naryǵyndaǵy ahýaldy túsindirip, kásibı qatysýshylarmen jáne halyqpen aradaǵy komýnıkasıalyq baılanystarǵa tán jumysty jalǵastyra beredi», - delingen Ulttyq banktiń aqparatynda.