Almaty qalasynyń ákimi Erbolat Dosaevtyń tapsyrmasy boıynsha turǵyndardyń kóptegen ótinishterine baılanysty Shuǵyla shaǵynaýdany, Báıteli batyr kóshesi, 24 mekenjaıyndaǵy zańsyz turǵyzylǵan 12 qabatty turǵyn úıdi buzý máselesi kóterildi, dep habarlaıdy Almaty-akshamy.kz.
Nátıjesinde Almaty qalalyq sotynyń sheshimimen Almaty qalasynyń qala qurylysyn baqylaý basqarmasynyń talap aryzy qanaǵattandyrylyp, sot atalǵan nysandy buzý týraly sheshim shyǵardy. Ǵımaratty buzý 1 shildede sot oryndaýshylarynyń qatysýymen bastaldy.
Buǵan deıin qala qurylysyn baqylaý basqarmasy nysanda tekserý júrgizip, sáýlet, qala qurylysy jáne qurylys qyzmeti salasynda birqatar zań buzýshylyqtardy anyqtaǵan bolatyn. Salýshyǵa qatysty ákimshilik hattamalar jasalyp, eskertýlerdi joıý týraly uıǵarym shyǵaryldy.
Almaty qalasynyń mamandandyrylǵan aýdanaralyq ekonomıkalyq sot basqarmasy da «ART-TEHNOSS» JSHS-na zańsyz salynǵan nysandy buzý týraly talap aryzyn qozǵady.
2021 jylǵy 9 jeltoqsandaǵy sot sheshimimen talap aryz qanaǵattandyrýsyz qaldyryldy. Osydan keıin qala qurylysyn baqylaý basqarmasy Almaty qalalyq sotyna apelásıalyq shaǵym túsirdi: talap aryz qanaǵattandyryldy.